成仙之路(有感而發)
今晚,突然好想同大家分享下一D心得,
我相信賭波既朋友都好想學識睇盤,因為唔識睇盤既朋友一定以為學識就會嬴好多!
首先,我暫不討論會睇盤係唔係一定會嬴,但係我想大家先明白一件事,賭波要點先可以嬴!!
你賭任何一款既賭博,為既都係嬴錢,我相信無人會想輸錢去賭,但係據多年經驗所知,十個賭波既朋友,十一個都係輸錢!
咁講法,即係無人可以嬴錢?
我夠膽講.,只要你唔離場,世界上任何賭博都係莊家嬴,但係要離場講就容易,做就真係好小見有人做得到,
咁樣,點先可以唔離場之餘,又可以嬴錢?
以下係我多年經驗累積既結論,大家不妨參考一下!
第一,注碼分配
注碼分配係最重要,要清楚一件事,賭波既注碼同去澳門賭錢唔同,你地唔可以用一樣既方式去賭波,賭波,只有平注最王道,
千萬不可大細注,再厲害既睇盤高手,亦不可能百發百中,我曾經有位朋友,論賭波,我都要請教佢,不過每個睇盤既人都知道,再厲害都會有
時段低沉,當中可能運氣問題,亦有可能係盤手轉人,所以本來的睇盤方式會失準,而我呢位朋友,曾連續倆星期場場輸,但係結算後,(我們每月結算)
所輸的數目不算什麼,若半年或一年計算,盈利仍然高企30%以上!!
大家唔好以為賭波會有好高盈利,如果要高回報,玩牛熊証最快,本人亦對牛熊素有研究,但若說吸引力,賭波的成功感較強!!
大家記緊一點,平注,你的盈利才可高企!!
第二,集中場次
有好多朋友喜歡場場賭,就算唔係場場賭,都幾乎分開每一段時間的賽事,都選擇一至三場參與,其實,賭波,貴精不貴多,有時候,你將注碼放在一場,必定好過你同時間買幾場,喜歡過關既朋友,亦要留意一下,就算我出的心水有5場,其實唔一定要全部買,當然,我聲明例外,要賭,我們只需要賭一場最合心水,因為,你賭得越多場,以為分散了風險,其實,是增加了風險,如果你平注賭一場,輸只會輸一場,但係你一賭就賭五,六場,你就要面臨輸六場既可能,最不利既,係如果你賭3場,羸2輸1 的話,有可能只係羸小小,因為,水錢已經殺了你不小,反而一場過,你的資金更易控制!!
第三,忌信心不足
有時明明自己睇中了一場波,但係一見到賠率高就立即手軟,呢個問題,我相信好多人身上都會出現,只要賠率3倍以上,好多人都會未買先驚!
其實,莊家最鍾意將一D嬴面高既球隊賠率提高,用意嚇走投注者,不過呢個方法的確一直用左好多年,但係效果非常好,所以,大家若有心水的時候,
不要手軟,就算10幾倍一場客勝,照買!!
暫時講到呢度,有時間再同大家講解!!
[ 本帖最後由 貓仙人 於 2014-10-23 03:41 編輯 ]