latindancer

A股上星期五, 出現急挫, 係源於 內地商品期貨, 出現罕有既跌停板 , 13種商品期貨都下跌 . 主要原因係10月cpi 急升, 人行提高存款準備金至歷史高位,以及央票息率被提升, 意味人行好快就會第二次加息 . 連續兩次加息, 對股市短期內會有震憾力.

而內地市場傳出, 發委會及相關部委有可能為防止通脹惡化而實施"價格控制" , 因此, 這消息導至商品期貨在星期五急挫至停板 , 再影響相關股份 .

所以, 內地股市及商品既下跌, 主要是擔心加息及政策面轉向 . 加息初期會對股市構成震憾 , 等消息消化後, 而政策面無多大變化, 股市應該會反彈番! 不過, 內地政策面影響內地股市好大. 因此, 外圍資金充足對港股利股, 相反內地股市會繼續抽港股後腳 , 令港股會飄忽!

未來兩,三個月, 要留意美元指數, 皆因按目前既走勢睇, 消費旺季開始, 企業年結 , 歐債浮現, 近萬按揭refinance 等等, 都會對美元有需求 . 使其出現一個短期反彈 . 美元反彈對股市不利 , 所以, 港股相信已經進入調整浪 , 目標大約去到50天! 幅度要視乎美元反彈力度及內地政策面 . 最差有機會去到(6月開始)上升通道底部! 暫時以20天作為指標!