我星期六晚去左食，八點九去到，係門口等左十五分鐘左右，之前女友打電話去訂位問有無粥底火煱，佢話爆左，所以無食到火煱。我叫左個大尾魷肉餅飯，女友就食蝦滑粥，再加多個香煎馬交蝦餅，本來仲想叫香煎大尾魷魚春，但已經賣晒，所以改叫白灼大尾魷。女友話啲蝦滑幾彈牙，但個粥底佢覺得麻麻，但大尾魷肉餅飯就好正，俾我好快KO左，個蝦餅係油多左DD，但都係好彈牙好正，我覺得好食過啲泰式蝦餅，埋單百五蚊左右，最抵食真係個飯，加凍O茶，都係32蚊，個粥都三十幾蚊，最貴係個蝦餅要六十蚊，但我都覺得OK，因為都幾大塊，下次一定要再試埋個魷魚春至得！
[ 本帖最後由 jk888kk 於 2012-10-8 14:00 編輯 ]
