某天去拜訪親友家時與其 16 歲兒子的一段對話 ...
「讀書讀成點呀 ?」
「勉勉強強可以升班咁啦.」
「讀書要勤力 d 不要懶散啊.」
「讀書只不過是成長中的一個必經階段, 唔駛咁認真嘅.」
「讀唔成書將來會揾唔到好工架.」
「揾到好工又點, 揾唔到好工又點, 又咪一樣咁生活.」
「揾唔到好工生活會辛苦好多架.」
「揾唔到好工咪唔好揾囉.」
「唔做工邊有糧出, 無糧出邊有錢生活 ?」
「無錢洗咪問老豆老母攞囉.」
「咁你總有一日會自立架嘛.」
「老豆老母不嬲都唔會管我點洗錢的, 好自立架啦.」
「咁你總有一日會成家立室架嘛.」
「佢哋有層樓留俾我嘅, 唔會無屋住.」
「咁佢哋總有一日會離開你架嘛.」
「佢哋有幾份保險留俾我嘅, 唔會無錢洗.」
