DrHorse

2023 暑期隨心 talk

本季度正式完結 亦隨著多名華將掛靴。

正是 馬場地 英雄塚。

職業賭徒都係一樣。

弱肉強食 適者生存。

暑假會出外十餘天充充電 回來後會為大家寫兩個大題：

1) 民間傳奇：分享一些坊間所見所聞和簡單的策略

2) 季初先鋒：分享一些季尾一個月跑得唔錯的私伙備忘馬

DrHorse

今午筆者路過某某頻道 見有一位賽馬 KOL 在拍片反擊。。。

反擊甚麼呢？據了解，事原係該賽馬 KOL 賽前拍片提供了煞科日頭場「特攻」輸了后，被「粉絲」直接至電「問候」。。。

片中 該賽馬 KOL 認定那「粉絲」是井底之蛙 不懂賽馬。

然而筆者的看法，該名「粉絲」只是太天真而已，真係上網左找找 右找找 花你十分八分鐘 就俾你撞到個平民高手 不費吹灰之力就可以贏錢架啦咩。

再者 輸打贏要的馬友不少啊 即使你幫佢贏左幾次錢好地地 輸一兩次即變臉甚至反目的大把 仲會周圍話你冼佢添 咪攪。

DrHorse

各位網友早安 筆者 「充電」行程正式結束 事實上 都唔覺得充了電 陪老婆日日早出晚歸 上山下海 「耗電」才真。

今次近近地去左台北 順路去探朋友兼飲飲食食 臨走撞正「卡努」襲台 咋天回港航班已部份被取消 慶幸走得到 兼影到一個靚靚雲海。

今朝與老板簽了新合約 代表新季度工作亦將展開 下星期一要開工 lu。

另外 新季度仍會招收會員 但只限舊會員回歸或 過往舊 Patreon 訂戶

詳情可 whatsapp 65458808 或 email 至 info@drhorsehk.net 向市場部陳小姐查訊 想直接找筆者亦可。

截止日期 8 月 24 日。名額只限 20 額滿即止。

8 月 25 再吃一餐新季度聚會，希望到時會見到大家。

DrHorse

筆者深信 絕大部份馬迷都喜歡選馬可以「快，靚，正」

例如只需賽前買份馬經或馬簿 用一盞茶的時間 就能揀出當日心水。

下下要像職業賭徒咁度 唔係個個都得 以下不妨分享幾招民間技兩 啱唔啱駛請自行判斷。

民間傳奇 EP1：專賭「回馬槍」

打開份馬經或馬簿 一定睇得到有邊匹馬上仗乃大熱門倒灶而三甲不入 只要唔係輸傷病甚麼喘鳴呀流鼻血呀咁 同埋唔係 6 - 7 歲老馬 就搏佢「回馬槍」吧 如果換人或再安排試閘就更好耶。

DrHorse

季初先鋒 EP1：E043 順勢贏

通常季內就申請轉倉的馬匹 一係就廢左被上手馬房掃走 一係就馬主無耐性等到暑假。

順勢贏 六月初時仍在 賀賢 麾下 最後一場乃 r720 出戰 ST1400B 抽著很理想 1 檔 閘前由 9 倍多打到 7 倍多開跑惜梗頸後就申請轉倉 料幕後必有多少損失

轉到 蘇偉賢 麾下仍報了一場 ST1400B (r789) 無左很理想 1 檔卻變成很糟糕的 14 檔閘前仍敢倒水。。。焗留後 B 欄能追一段不俗

暑期獲大幅減 5 分 二班底馬落到四班只負中磅 打個七折都夠抽了吧

DrHorse

民間傳奇 EP2：專賭「不是大熱 win 的大熱 place」

如果連買份馬經或馬簿都想慳 可以考慮呢個。。。

行內人流傳 不少臨場唔得閒落注的「工作人員」們 凌晨開工前後就會落定注 且多數都係賭 place。只需要在隔晚 ~ 7:00 pm 抄一次飛 再在凌晨 ~ 7:00 am 再抄一次飛 有 place 大幅落的而又不是大熱 win 的那匹 就是目標耶。

原理好簡單 你同我 甚至大戶 賭馬集團云云 多不會在該時段落注 唔係未起身就未開工 所以 你明架啦 不再多說。

lieddy

DrHose  , 上季睇 youtube 直播賽馬成日聽到臨場 估惑飛 , 知唔知係點

DrHorse

季初先鋒 EP2：H285 加州偟者

眾所周知 3 歲馬仔能負頂磅跑近已算是不俗 能入 WQ 者更不俗 能以大後追跑法入 WQ 者更更不俗 所指正正是本章主角 加州偟者。

加州偟者 上季初出 2 仗於 1400 已展現上非凡後追能力 尤以季尾 r796 初跑 1600 一睇賽果就知前置馬佔優下 獨 加州偟者 能兜大彎入直路居包尾衝近 唯一三蝕賽績且只 3 歲下季前途無限啊

DrHorse

引用:

原帖由 lieddy 於 2023-8-9 13:28 發表
DrHose  , 上季睇 youtube 直播賽馬成日聽到臨場 估惑飛 , 知唔知係點

睇飛方法五花八門 只貫上「估惑」二字 很難界定其來龍去脈
例如 有些會參考外國賠率 亦有些則參考外圍賠率
btw 臨場講呢啲最好 皆因中唔中均與主持提供無關
anyway 俾你睇得到 又點算「估惑」呢
跑完先見到才算「估惑」耶

DrHorse

今期同大家傾下兩種投注策略：

假如你有 4 匹心水馬 又或是跟了某某某馬報貼士云云 普遍會點投注連贏？如果你係 $10 兜玩家 除了平注 1 拖 3 或 4 串 6 外 都冇乜更好選擇了吧。。。
高層次啲會兩種但截然不同的投注策略。。。

1. 凱利公式。相信好多人都聽過 凱利公式 Kelly Criterion。
簡單來說 就是在最高能開出機率組合投注最多錢謀求大勝 前題係該最高能開出機率組合賠率並非低於計出的 expected value。
重點則在於準確計出各個組合能開出的機率 即係要懂馬。

2. 賠率低買多啲 賠率高買細啲 促使開出那個組合最終純利都係相同。
好處係唔駛識計馬匹實力 單純的數字遊戲。

你，會喜歡用那種？