DrHorse

明天起, 開始新一季備忘馬系列之旅.
備忘馬, 顧名思義就係曾於陣上有吸引走勢的馬, 業內人仕叫做 "試準".
這類馬 可以通過睇帶搵出嚟, 當然要有一定功力; 亦可以通過計算搵出嚟 ... 兩方面筆者都勉強可勝任.

其中, 曾走蝕位仍近馬乃筆者最常用度馬名單.  

What is 曾走蝕位仍近馬 ? can study below link.
參考文章 :
http://www.drhorsehk.net/bbs/vie ... &extra=page%3D1

下季本會打算將每次蝕位馬名單抽出並公開發售, 每個賽日只需 $15, 全季 9 折.
有興趣可私下 pm 本人或 send email 至 drhorse@drhorsehk.net 查詢詳情.

DrHorse

備忘馬系列 (1)

身為馬主, 為旗下馬匹安排轉倉, 或多或少都係表示心急, 索性求變轉埋飯鑊, 尤其是季內轉倉類.
至於肯留待暑期始轉倉類, 說不定想留番少少面子俾舊主而已. 所以, 轉倉不失為一個正面訊號.

筆者季內曾提及文廄的 C403 明月千山, 讓大家來看看 ...

明月千山.jpg (169.37 KB)

2020-8-1 12:53

上季初仍在高廄時跑了兩場無表現後即轉倉至文廄後即成功搏入 Q, 輸季內 C3 也能勝的 輝煌芯 水極有限吧.
但再出竟連續 7 仗三甲不入甚為嚇人, 鬼咩改跑哂 1400 同 1650. 4 歲馬無病無痛竟已迅速淪落至 C5.
馬匹本身以跟前守好位跑法較佳唯季尾 C5 ST1200 抽 10 檔自然無運行.
馬主亦已顯得無耐性並蟬過別枝往徐廄. 暑期再獲減 5 分真係好著數.
今季能掃番 2 - 3 win 並不稀奇.

DrHorse

備忘馬系列 (2)

隨著大摩榮休及希斯回歸, 今個暑期更多馬匹被安排轉倉.
無獨有偶, 今次筆者想講的也是一匹轉倉馬.

何廄的 B403 天地人, 讓大家來看看 ...

天地人.jpg (218.39 KB)

2020-8-2 12:30

上季初於 HV1200 連取 2 win 升至 79 分後未能再進料質素有限, 再出 n 連敗換來快速減分至近季尾 65 分 r796 出戰 DT1200 遇偏慢步速,
史卓豐 居近尾 3 位置入直路後上追近末段造 22.66 全場最快料狀態已起.
匆出報首本 r825 HV1200 抽 7 檔亦唔算太差, 惜 潘明輝 攝唔到全程外疊望空埋門亦只係負個零馬位,
見 潘明輝 於轉彎至直路多次開鞭力策十分賣力, 加上暑期離開舊主轉投呂廄更顯季尾一役似搏失居多.

現只 5 歲無病無痛評分亦有利, 相信季初已可步署出擊交差.

DrHorse

備忘馬系列 (3)

曾幾何時, 本地有一批泥地特佳馬評分上升至高位後無出路唯有轉戰杜拜或首爾, 誰不知有可能唔適應遠征或場地甚至跑壞馬而回.
徐廄 B083 豹子頭 正正係受害者之一. 唯幕後仍願意白養一整季至煞科日尾場 r828 於 HV1200 以超快步速放近料已養回.
新季初大可搏其他對手狀態未足追你唔到, 首戰 DT1200 料志在必得收番啲養馬費先唄.

見寫了十多篇, 睇有過百但讚好卻不過十有點削, 看來筆者所寫的內容欠份量.

DrHorse

備忘馬系列 (4)

坊間也開始見有不少媒體或人仕寫新季銀行馬系列, youtube 一 serach "銀行馬" 便有, 相信亦有利於馬迷們去儲埋一大堆目標待開季大開殺戒.
不過各施各法, 各有各策, 最好留意埋其觀點並細心思考, 別只人云亦云啊.
其中有一個頗大路的楝選銀行馬方向, 不妨同大家分享下 ...
這就是 "專吼上季 3 歲未勝但曾後上追過跑 3344 的質新馬".
一來, 起碼叫做識增速有一定競跑能力, 二來, 未勝 + 質新, 評分段估也有些上升空間吧, 若無傷患纏身新季要取 1 - 2 wins 相信並無難度.
不過, 這類銀行馬可堪稱為明星馬系列, 相信逢出必熱.
Anyway, 有無諗過, 若 4 - 5 隻備忘馬同場跑咁點攪 ?

DrHorse

備忘馬系列 (5)

當取得全季賽馬記錄後, 便可自設明星馬系列如下 :
1) G 欄設定 "3"
2) X 欄設定 "8,9,10,11,12,13"
3) Y 欄設定 "3,4"

明星馬系列.jpg (402.88 KB)

2020-8-7 11:46

跟住,
(1) 越近季尾馬越好, 所以從下至上逐匹去看便可.
(2) 末段達 22.x 較好.
(3) 下季仍由 C3 或 C4 起步較好.
找未勝馬, 就是這樣.

DrHorse

心靈分享 :



該片為 2013 年上載, 而 7 年後的今天, 在科技不斷進步的狀況下, 可以更加更加及更加真實, 甚麼衛星圖片, 甚至拍攝, 係完全可以造假.
敬請記住 : 不被蒙騙, 眼見為實 !

以下另一條是 2018 年上載的, 的確更加真實.

咖喱啡快失業了, 連人都可以用電腦包辦.

DrHorse

備忘馬系列 (6)

點解日前提及 "眼見為實" 呢 ? 賽馬錄影帶, 係要靠自己過目的. 有云力不到不為財嘛.
嘩, 睇賽馬錄影帶係苦差眾所周知, 同埋邊有咁多時間丫.
其實, 每場只係睇目標馬一隻就夠, 花不到 10 分鐘, 再配合 race matrix 投注便可.
在此分享少少睇帶心得和技巧 :
最常遇到的困難係, 出閘後揾唔到隻馬, 或睇睇下睇錯另一隻.
所以睇之前除檔位馬號外, 還可多了解其帽笠, 眼罩等的顏色. 必要時可用支筆篤住個 mon 去睇.
再者, 馬匹走位馬會官方網站也有, 若然只能平鋪直敘馬匹走位走勢而無法深討騎師發揮或練馬師心意者, 並無價值可言.
以下舉一匹寫法給大家參詳下, 就是明星系列名單中的再大大.
r819 的 再大大

r819.jpg (190.33 KB)

2020-8-8 13:37

先來看看官方描述 : 起步後收慢，趨近首個彎位時墮居尾三位置，離欄競跑。轉直路彎時移至最外疊。四百米處落後領放馬四個半馬位。最後二百五十米衝刺強勁，僅失季軍。
再來看看筆者的寫法 :
中等或稍偏慢步速, 出閘迅速沿外疊順留至近包尾 3W 有遮檔位置, 其間騎師向內側望了多次. 轉彎前曾呈現搶口難以控制景象, 斜出最外疊入直路初催策下有輕微內閃但修正後仍能增速上前, 打了 3 - 4 鞭後增速明顯更強勁至最後 200 催策幅度並無加強, 只輕描淡寫間歇地多打幾鞭已到終點. .......................

綜合結論筆者就不寫下去了, 至於分別, 大家可自行參詳參詳.

DrHorse

Video Form 是甚麼?

「Video Form」 一詞, 普遍被稱之為「睇帶報告」, 相信自馬觀微先生的著作「無敵的馬神祕笈系列」面世後開始被馬迷廣範地認識.

屬於研究賽績類的馬迷相信佔了市場的絕大部份, 但紙上賽績只屬於 1D 賽績 (One Dimension), 走位同樣標示著 2-2-2-4 負兩個零馬位, 卻可能係兩個世界 : 一匹係極有利下跑近而另一匹係極不利下跑近. 單憑紙上賽績係無辦法分別得到的. 及後有馬迷加上如圖片, 平面走位圖甚至步速去評核, 變成 2D 賽績 (Two Dimensions). 走乜野位, 賺蝕步速, 那當然較 1D (One Dimension) 清晰, 亦勝在不太費時, 一般馬迷皆做得到. 但若要達至更高更精準層次, 例如馬匹是否已竭盡所能還是留以有待洗緊白白, 騎師十足發揮還是帶馬迷遊緊花園, 非通過賽事錄影帶不可 (3D, Three Dimensions). 亦正因如此, 即使專業賭馬集團, 無論係自行製作, 還是外判製作, 也一定會有加入「睇帶報告」作為重點參照.

至於馬會的官方走勢評述, 但都話明係官方的, 有些「重點」 睇到的也會當睇唔到, even 睇到亦不能寫, 所以, 只是一份基本評述, 若十分滿分嘛最多只值 4 分.

做「睇帶報告」除了要有一定的經驗外, 最重要係時間. 睇和寫一場賽事的「睇帶報告」起碼也要用上一小時, 一個禮拜便要用接近 20 小時, 絕不可能是業餘馬迷可以做得到的. 所以, 一個專業睇帶員的月薪不菲, 還未計花紅喎. 亦正因如此, 人材難求和為降低成本, 部份賭馬集團需外購 「睇帶報告」也是可以理解的.

十年前認識過一位專業睇帶報告員, 筆者當然能從中獲益良多. 估計其當時月薪已高達 4 萬另加花紅. 價值之高可想而知.

DrHorse

備忘馬系列 (7)

明星系列名單中, 順掃上去的另一匹, 就是 D143 的 龍鑽輝煌.
講開 r814 的 龍鑽輝煌, 就不妨先講下 蔡明紹 這位無磅減的華將.
玩馬仔有一段時間的朋友們, 都知道 蔡明紹 是跟 告東尼 告仔出身, 行內人仕叫 "師徒" 關係.
詳情不便公開多說, 只提兩個重點 : (1) 蔡明紹 是一位無磅減的華將; (2) 蔡明紹 與 告東尼 是 "師徒" 關係.

r814.jpg (163.32 KB)

2020-8-10 16:46

又先來看看官方描述 : 居中間之後位置，走第三疊。入直路時移出最外疊，保持佳勢至終點。
如果唔睇帶而單看文字, 即係居中後 3W, 直路走最外疊. 至於點為之 "保持佳勢至終點" 呢 ?? 字面上看應該係好野掛 ...

那筆者又會點寫呢 :
步速偏快, 末段不慢 (好快地多數會係咁) 出閘迅速沿外疊順留至中間 3W 略有遮檔位置 (點解唔算中後呢 ? 14 隻馬走位 8-11-4, 對不 ? 即係只在轉彎前才略為墮後. 原因很簡單, 你走外疊人地走內疊, 轉彎增速力不足便會如此) 斜出最外疊入直路初催策下反應平淡, 再打多 3 - 4 下重鞭亦只稍見增速, 末段力策兼再多打幾鞭亦只同速, 且表面上第 4 實質負 5 個馬位, 連 太陽戰馬 都威脅唔到.
綜合結論, 呢個第 4 好普通, 不值得高估. 再者, 這匹是澳洲自購馬, 來港後已出賽多達 10 次仍是三零步隊, 質素暫亦不宜高估.

大家又可以感受下, 齋睇字同唔睇帶的分別.

i.e. 龍鑽輝煌 不算是值得跟進馬.