ryan

認唔認購好?

SudokuTA

咦，睇黎大大師兄今季贏位唔少。

DrHorse

Await latin 的專業意見 ...

我估佢叫你唔好入 ....

ryan

引用:

原帖由 DrHorse 於 2011-7-11 23:46 發表
Await latin 的專業意見 ...

我估佢叫你唔好入 ....

你估錯左...

DrHorse

引用:

原帖由 ryan 於 2011-7-12 00:04 發表

你估錯左...

latindancer

ALL IN!!!!!!!!!!!!

DrHorse

引用:

原帖由 latindancer 於 2011-7-12 10:08 發表
ALL IN!!!!!!!!!!!!

ALL IN tim ...

ryan

iBond  2011/7/13 上午 09:31:11
網誌分類: 經濟  



意大利與希臘成功售出國債，歐元匯價回穩，歐洲股市跌幅收窄，意大利股市更強勢反彈，由大跌近半成，倒升1.2%。杜指期貨跌幅收窄，杜指朝早在上日收市位橫行。

聯儲局公開的最新一次議息會議紀要，顯示當局在有需要的時候，或會考慮推出新一輪的購買債券方案去刺激經濟，引起投資者對QE3的樂觀期望。杜指午後急抽逾60點。但股民還未趕得及開心，穆迪就再度出招，下調愛爾蘭信用評級一級至垃圾級別，即時將美股擊沉，杜指急轉直下，跳水125點，收市倒跌59點至12447點。連續第三日向下。杜指期貨最新報12396點，較現貨低水51點。

港股美國預托證券反彈，ADR港股比例指數報21799點，比香港收市高136點或0.6%。匯控收75元，比香港收市高0.3%，中移動收71.95元，比香港高0.6%。

布魯塞爾會議結束，歐元區財政部長表示已經准備採取更多措施來「提高歐元區預防風險擴散的能力」，但並未宣佈任何具體措施。不過，值得注意的是，在聲明中並未提及意大利，反映意大利的債務問題唔係市場傳的那樣嚴峻。事實上，意大利昨日成功售出約68億歐元1年期國債。拍賣得出的平均收益率為3.67厘，較6月份發售國債時高出1.5厘。收益率的提高反映了近日歐洲債券市場上的緊張情緒。投資機構Avalon Partners首席市場經濟學家Peter Cardillo表示，「市場開始意識到意大利並不是希臘，關於意大利的傳言大多言過其實。」

對意大利可能出事的憂慮有所緩解，歐元兌美元回穩，反彈上1.3998美元，歐洲股三大主要股市跌幅亦相繼收窄。英國跌1%，德國及法國跌約0.8%。

一波未平，一波又起。穆迪投資午後再度出擊，將愛爾蘭的外匯和本土貨幣政府債券評級下調一個等級至「Ba1」的垃圾級評級，評級前景則仍為「負面」。理由係「如果愛爾蘭無法以可持續的利率在資本市場上進行借款，那麼現有投資者可能被要求參與(針對愛爾蘭的援助計劃)以作為未來任何官方融資的前提條件，這種可能性正在上升。」實情係，愛爾蘭是否能夠以「可持續的利率」在市場上借錢，好大程度上受穆迪這些機構的評級影響。穆迪越唱淡，這些國家就越難以正常的利息借到錢。

聯儲局昨日公開最近一次議息會議記錄，顯示如有需要的話，當局會考慮新一輪的購買國債的刺激美國經濟的方案。但暫時未有太大的迫切需要。不過，記錄亦同時顯示聯儲局官員花了唔少時間討論收緊市場信貸的策略，至於加息的具體時間則未有定論，因為美國經濟現時唔係咁好，加息可能會令經濟陷入困境。這解釋了美股的反彈無承接力的原因。

美鋁（Alcoa）周一晚卒先公布第二季度業績，拉開了美企業績公布期序幕。美鋁去季銷售65.9億美元，略高於市場預期，但盈利就同預期一樣，每股賺32美仙，主要受弱美元及原材料及燃油成本上升所累。美鋁昨日收市跌1.3%。

           政府推出和通脹掛鈎的iBond(通脹掛鈎債券)，每半年計息一次，年息至少1厘，若通脹率高於此數，就按通脹率派息，係保護老人家和細路仔儲蓄免被通脹吃掉的好工具，但對較活躍的投資者就不太適合了。

        不妨估計一下買iBond好過乜，差過乜。先講好處，第一，買iBond好過將錢放在銀行，放錢在銀行，收零點幾厘息，不如買iBond，千祈唔好以為長期放錢在銀行的人好少，好多老人家都長期有錢放在銀行，或者小孩都儲埋唔少在銀行，若果係咁，不如買iBond好過。

        第二，iBond指示出每年的「無風險利率」，iBond有包底利息1厘，另外亦保證會和通脹同步，即係不但唔會輸，仲有等同通脹的利率，今年通脹率有機會超過5%，即係政府包底有5厘息，呢個變成「無風險利率」，如果你做其他投資的回報唔係明顯高過呢個利率的話，不如買iBond好過。

        我估好多愛投資的朋友，都覺得5厘回報無味道，所以買iBond的壞處亦好易講，第一，回報低。好多買股的投資者，都期望有10%以上的回報，假設一隻股派息3厘，股價年增長7%，就有10厘，要求10%回報唔算誇張。都唔好講話買大股走吓上落，在低位買，在較高位沽了。

        第二，不靈活。揸債券不同股票，揸3年期債券，都要預咗揸到期尾，中間等錢使好難走出走入。當然，債券有二手市場，都可以中期沽貸走人，但若當時市場利息向上時，債券價格會下跌，所以買iBond中期走人係有本金損失的風險。

        所以對股票有認識的朋友，會覺得買iBond回報低，不靈活，無味道。就算唔想炒炒吓，買股揸得比較長，可以在股市較低的日子，買吓「兩電一煤」或者領匯，收吓息，候高位時沽吓，回報會好過買iBond，都唔好話買更進取的股票。

        買iBond顯然係一個「笨投資」，但對那些炒股日日輸的朋友，就是一個大挑戰，因為若果你炒股成日輸錢的話，係唔係適宜笨笨地買iBond冷靜吓呢?



陸羽仁

DrHorse

Say : 買 iBond 顯然係一個「笨投資」   ...

咁你認唔認購 ?

ryan

引用:

原帖由 DrHorse 於 2011-7-13 13:53 發表
Say : 買 iBond 顯然係一個「笨投資」   ...

咁你認唔認購 ?

第二，iBond指示出每年的「無風險利率」，iBond有包底利息1厘，另外亦保證會和通脹同步，即係不但唔會輸，仲有等同通脹的利率，今年通脹率有機會超過5%，即係政府包底有5厘息，呢個變成「無風險利率」，如果你做其他投資的回報唔係明顯高過呢個利率的話，不如買iBond好過。

冇得輸woo
10000 跟dr 賭馬...回報有幾多呢....但呢個有幾大風險呢?