DrHorse

04-Jun. 落 飛 黨 預 知 賽 果 ？ 吳 嘉 晉 三 駒 過 關

大致上又係講落飛黨點樣大幅落飛得手, 瞄準見習生吳嘉晉的「好辣椒」,「添歡笑」及「過關勇將」落重飛出擊, 結果水到渠成, 肚滿腸肥.

哦, 呢三匹馬普羅馬迷無本事中咩 ? 只有落飛黨才獨具慧眼嗎 ? 以前筆者也講過, 各個彩池是公開的, 你買得人地都買得, 你買得大人地可以買得更大, 贏就「杰」 d, 輸亦「杰」 d, 有本事有本錢, 任何人也可以搶番轉頭, 無分高低.

講番馬仔,

「好辣椒」R479 同程才輸給升四班仍能兩捷的「叻先生」, 現居班分唔夠跑咩 ? 喂, 上次同程包尾喎 !  嗱, 又一唔理點輸例子 : 好辣椒(J236) 出閘後受催策，居前列，走第四疊，沒有遮擋。四百三十米處受催策，居第五位。三百五十米處力竭，洩氣潰敗。 12 檔全程走第四疊.

「過關勇將」R140 同程才輸給升四班仍能兩捷的「金得意」, 咁點解「過關勇將」係四班無本事贏 ?

「添歡笑」仲明顯, R561 於三班只輸給 「芙蓉之寶」,「飛躍之駒」,「海鑽石」 僅 4 個零馬位, 今降四班唔夠跑咩 ?

別人豐收不一定是有內幕, 自己唔中應先要自我檢討. 否則, 下次又有另一堆「好辣椒」,「添歡笑」及「過關勇將」等緊大家.

DrHorse

07-Jun. 葉 楚 航 不 在 港 照 贏 三 W

葉楚航乘勝追擊, 一連兩次賽事掃 5 場頭馬. 恭喜, 恭喜.

「大旋風」,「善寶」均是熱門份子, 要命中不會難, 但筆者眼見有馬迷對「神箭金剛」能爆冷竟一籌莫展.

能命中的有說「自己福至心靈」, 也有說「一睇操練便知搏殺」, 但通常都講唔出有何不同, 或許是祕方吧, 所以要「收埋 !」

這類說法, 筆者只有睇完就算, 因為學唔到, 亦做唔到. 但, 是否真的只有「福至心靈」, 或者是懂「睇操練」的馬迷才有本事中呢 ? 那又不然.

「神箭金剛」R454 同程才輸給「電訊至尊」, 贏 「恭喜發財」.「電訊至尊」上班跑仍可取一勝兩位, 而「恭喜發財」兜一場 ST2000 後即在 HV1650 大勝而回. 咁「神箭金剛」用華將兜了兩場沙田 o者, 即換來 16 倍回報. 咁, 究竟係大家無本事睇到, 還是睇漏眼先. 真的要「福至心靈」, 或者是懂「睇操練」的才有本事中嗎 ?

DrHorse

18-Jun. 雅 雪 爆 冷 贏 精 英 盃

文中提到, 賽前各方均預計出七駒的大摩有機會捧盃甚至包 辦 QT, 卻豈料全軍覆沒, 連一個 P 都冇. 反觀只出一駒的蘇保羅憑「雅雪」爆冷捧盃.

賽後筆者即與會員笑道 ...

大摩說 : 我買 7 隻便中 ...  
其他人說 : 唔買你 7 隻亦中 ...

跟住就點名提到最近有很多由蟲變龍的馬匹, 包括「飛馬之威」, 「中華寶寶」, 「精彩」, 「風火神駒」, 「科研精英」, 「好辣椒」, 「野外桃源」,「雅雪」, 並謂潮流興「包尾變第一」. 馬會競賽小組雖聲言要確保馬匹表現穩定, 但對於這些由蟲變龍的馬匹卻完全無符.

哦 ?! 誰說跑得近的馬下次一定要跑得近, 輸得遠的馬下次一定要輸得遠 ?? 如是者咪好易賭.

又係老生常談. 點解跑得近唔知, 點解輸得遠唔理, 捉唔到又唔肯認眼拙, 總是將責任全往外推.

老實說, 上述八匹馬筆者只中到「飛馬之威」, 「中華寶寶」和 「好辣椒」. 至於「精彩」,「科研精英」及「野外桃源」就真係無本事了, 尤其是「精彩」. 賽後只能嘆一句 : 精彩 as 至今仍未諗到點 「變身」!