DrHorse

先預祝本會即將踏入第 5 個年頭.

據悉下季開鑼日為九月十四, 即 summer 有 69 days, 較 last season 多出 10 days !

多出的 10 days, 正好計劃往澳洲旅行. 不過 d 燃油附加費幾貴, 慶幸有馬會找數.

不過, 有鑑於世界盃的原因, 近季尾的一個月小弟有些躱懶了, 今季 meet 唔到 budget, 去旅行要慳 d 駛 lu.

DrHorse

頓哥仔 終於如願, 榮登冠軍騎師. 雷神 的加入, 搶了不少 韋達 的座騎, 造成 四哥 少了部份爭分籌碼.

不過, 雷神 那招中段踩油, 實在是能將某些馬匹騎高半班, 季內劏過小弟不少冷 Q ... 啤 !!!

若騎足大半季, 真是鹿死誰手, 拭目以待.

DrHorse

今個暑假兄弟們早就開始著手準備一些大 project, 寄望本會下季的成績可更上一層.

DrHorse

跑緊馬的確係好鬼忙, 想多 d 同馬友吹下水都無時間. 乘著放暑假, 就執幾個題材同大家傾一傾.

DrHorse

- 固定賠率 -

耐唔耐, 就會有些馬友要求馬會就賽馬提供 "固定賠率", 全因中到冷馬郤被大幅打劫感到不是味兒.
先不理馬會考唔考慮, 有冷馬中皆因對面有一批低水準對手矣, 請記住記住記住, 彩池制呀老友 !
若用 "固定賠率" 取替了 "彩池制", 以馬會咁怕死的性格, 背後去制定賠率的一群, 水準還會低得過你對面的對手嗎 ?
到時一樣, 只是預先被洗劫罷了. 值 20 倍冷馬卻開 8 倍俾你, 與 20 倍冷馬被搶至 8 倍, no difference.
現在嘛, 還尚有希望劫錯隔離呢 ...

DrHorse

- 七個一皮 -

昨晚上演 "巴西離奇被德國大炒七個一皮"
在德國攻入第 2 球後, 已感覺到巴西隊會洩氣, 就像西班牙被荷蘭大炒一幕翻版
即追買德國 下一隊入球 ... 點知都未買得切又 in goal ...  
再追未買得切又 in goal ...
三追未買得切又 in goal ...
到第 6 球才追買到.

完場前 ~ 85 mins., 轉買 巴西 搏破蛋. Got it.

DrHorse

- 三次平頭 -

做緊功課. 啊, 原來剛季竟出現 3 次平頭冠軍 ... 這是否代表騎師勁左, 肯拼搏至終点線上的一刻 ...
這, 又是否一個紀錄呢 ?

DrHorse

正確是通過馬會贏錢而不是贏馬會錢呢 ...

DrHorse

- 策騎指示 -

嘩, 呢樣野公仔箱成日嘈, 即係唔明白遊戲規則. 有人問 : 香港賽馬是否公平 ? 筆者可以好肯定咁答 : NO !
何解 ? It is because 有能力影響賽果的練馬師可以與群眾一起落注, 点公平 ?
How come 騎師又不能投注 ?
筆者可絕不認為練馬師在對影響馬匹的爭勝机會能力上會較騎師低.
咁, 又關 "策騎指示" 乜野事呢 ? Fine, 同枱打牌, 你會否攤開幅牌俾人睇住嚟打丫 ? 又係 o個句 : 彩池制呀老友 !

DrHorse

- 贏馬靠運氣 -

閒來路過某某大論壇, 有樓主開了帖講賭馬要有策略. 其間有馬友認為只要有運氣, 就 even 買錯隔離隻馬都會中.

Fine, 筆者唔反對任何遊戲也包含些運氣成份, 分别只在於比重. 而且, 筆者敢寫包單, 說 "贏馬只需靠運氣" 的, 十居八九也是輸家, 但又唔知点解輸, 唯有推哂落 "運氣" 身上.

從另一個角度去看, 越多馬迷相信 "贏馬只需靠運氣" 越好, 又係 o個句 : 彩池制呀老友 !