DrHorse

侯任特區行政長官梁振英先生, 曾被議員批評為對所有質疑都抱「三不」態度——「不記得、不知道、不明白」.

本會宗旨不談政事, 但這「三不」態度, 卻令筆者心靈一觸. 其實馬場上亦不乏抱「三不」態度的人仕.

「不知道」- 選馬法門種種暫且不談, 但輸馬後的原因大都只懂支吾以對.
「不認錯」- 輸馬首數騎師錯, 練馬師錯, 邊個邊個錯, 但永遠都不會是自己錯.
「不改過」- 相同方法, 無論選馬好, 投注策略也好, 一次輸錢, 情有可原; 多次輸錢, 遲早玩完. 唯多不肯臨崖勒馬, 心想一定會贏得番, 梗要輸至全軍覆沒才迫不得已罷休.

DrHorse

許多年前, 筆者曾當過數學補習班老師.

每次面對一班新學生的時候, 我總會先對他們說 :
「如果各位唔介意重考, 留班的話, 可以出去退回補習費.」

每次上第一次課的時候, 我亦會先對他們說 :
「如果各位唔複習所做過的練習, 咁你下次, 再下次, 甚至再下次, 一定會再犯上相同的錯. 」

有兩類馬迷, 實在不需要太花時間在研究賽馬上.

一) 無論賭得細, 又或是輸得起. 抱有 : 贏錢固然是好, 輸錢也不會介意 的心態.
二) 賭唔係贏就係輸. 賭得錢就預左輸.

筆者則奉行 「賭錢唔贏錢, 賭來幹甚麼 ?」

DrHorse

呀, 筆者有一種「賭搏」真係預左輸. 就係同屋企人打衛生麻雀 ... 往往都係『利益輸送』