Board logo

標題: 2022 暑期隨心 talk [打印本頁]
作者: DrHorse    時間: 2022-7-17 17:29     標題: 2022 暑期隨心 talk

2022 暑期隨心 talk

[attach]84622[/attach]
作者: DrHorse    時間: 2022-7-17 17:38

今日筆者先有閒情去睇戲 「秘境探險」

[attach]84624[/attach]

原來就落畫都唔知，要去到柴灣先有得上映，仲要全日得番一場。。。

筆者實在很喜歡冒險探險尋寶題材，同賽馬博弈也很相似，就是在雲雲馬海中尋寶。
有時也許會被迷惑，亦有時也許會被誤導，寶藏，只留給有方法和有實力的人。
作者: DrHorse    時間: 2022-7-18 17:10

一講實力和方法 就會惹來不滿。。。

唓 咪又係跑完就話中的所謂實力和方法罷了。

咁 有些朋友貼事後飛 目的只在炫耀 從不會透露點㨂點中 當然有好野又點解要話你知先

唯筆者的方法 並沒有全部收收埋埋 公開講得的都講過 唔公開講得的 均通過 DrHorse Patreon 頻道教了 仲整整教了一季。

而然只係沒有免費午餐 沒有坐享其成 沒有不勞而獲

方法可以教但不會白教 想學也起碼得付出丁點誠意。

答案也不會白有 煩請自己用心去做。

筆者字典裏 不存在可以拍拍籮柚等開飯這回事。
作者: DrHorse    時間: 2022-7-20 18:11

一提到賽後分析 。。。唓 咪即係馬後炮任你 9 up 。。總之跑之前貼得中先算係有料。

咁 賽後分析 本身被認為沒有多大市場價值 因為九成以上馬迷只需要貼士 俾隻馬佢中個位置就已經拍爛手掌 那管你甚麼原因 ...

相信亦正因如此 季內有些朋友訂了 DrHorse Patreon 頻道不足一星期就退訂 喂 點解等極都無貼士架

fine 「賽後分析」這東西嘛 識貨就係寶, 唔識貨就係草, 當然仲要睇埋邊個寫。

重要的是 賽後分析 本身就已經係下次貼士 :

邊隻跑得好 邊隻收收埋埋 邊隻古古惑惑 邊隻搏失 自然逃不出專業法眼

莫講話跑之前 就上次跑完的「銀亮之星」就貼定叫你下次買 咁又算唔算馬後炮先？！

[attach]84634[/attach]
作者: DrHorse    時間: 2022-7-22 12:16

然而 筆者十分明白 無份贏就係無份贏 心裏一定會唔高興

老實說 筆者有俾機會大家一齊贏 只係被放棄

DrHorse Patreon 頻道 鑽石級質素 只收玻璃級價錢 都嫌貴 怕被呃 咁就算啦

物非所值定物超所值  筆者點吹都無用

以下這位會友 3 月貼飛時仲只係 $50 一注 季尾已可提升至 $200 一注

[attach]84637[/attach]

無錢贏仲點加碼先 ？！
作者: DrHorse    時間: 2022-7-23 22:00

對於要收錢的東西 最普遍的看法是 畀錢買你貼士不如自己賭

啱架 貼士都駛買架咩 通街通網都有免費提供

貴客自己若真有好方法 筆者衷心恭喜你 因為馬場上 十個賭九個輸

恭喜你是第十個 求人不如求己 這個觀點筆者很贊同

而然 如果尚未找到好方法 跟高手偷下師一啲都唔失禮耶

DrHorse Patreon 頻道內容本就是全方位賽馬攻略 能熟讀和運用本攻略 保証能掌握超過 80% 賽事 上季 88 次超過 800 場賽事 逐場教你如何破解 每場馬如何入手 如何對飛 如何起承轉合 那些熱門會死 那些冷門會爆 賽前一目了然 跑完那些馬要備注 全部齊全 堪稱一本高階「工具書」

俱俱幾百蚊 一本「教科書」價錢便可買得到別人超過 20 年職業賽馬心得都算係抵到爛啩

唓 講咁多咪又係想 sell 人訂閱。。。

咁 當初筆者都係貪過癮寫下 職業賭徒嘛理論上係唔會教人 正是少一個對手 多一分派彩 所以 DrHorse Patreon 頻道不會再寫也不會再營運 近 100 篇攻略亦已被銷毀 未來仍會繼續在 forum 同大家吹水
作者: lok917    時間: 2022-7-24 11:27

但我想學....
引用:
原帖由 DrHorse 於 2022-7-23 22:00 發表
對於要收錢的東西 最普遍的看法是 畀錢買你貼士不如自己賭

啱架 貼士都駛買架咩 通街通網都有免費提供

貴客自己若真有好方法 筆者衷心恭喜你 因為馬場上 十個賭九個輸

恭喜你是第十個 求人不如求己 ...
作者: DrHorse    時間: 2022-7-24 20:46

抖了一星期 lu 明天又正式開工囉

話明係職業 當然不會像一般馬友嘻嘻呵呵等開鑼 最忙碌的工作就是「覆盤」

全季有那些場次出錯了 認真檢討失誤

數據庫 資料庫 和軟件更新 優化流程 等等等等

有謂：賭馬駛乜計算咁多架 鐘意邊隻咪買邊隻囉。。。

理解 大家對賽馬要求不同啫 尤其係賭開十元八塊 輸都唔慌會肉赤 又有乜所謂要唔要「覆盤」呢。。。

筆者常常對學員和 VIP 會員說 我的工具不是消費品 志在娛樂或消磨時間不要睇我 免得嘥料 嘥你錢之餘又嘥我時間！

但也無人叫你賭身家  人地都係 $50 一注起步 每場最多 2 - 3 百 每個月多萬零蚊駛絕不是夢
作者: DrHorse    時間: 2022-7-25 19:38

廢話一大堆講完 不喜勿插 多多包涵

2022 暑期隨心 talk 正式開始

歡迎各界新訪友

(1)

香港賽馬運動，除了能造就很多相關行業和職位外，亦帶給很多朋友大發橫財的希望。筆者雖然無正式的統計數字，但估全港也應該有近百萬位馬迷吧。

無論閣下賭馬是為興趣，為交際，為消磨時間，又或是習以為常，諸如此類，相信即使不能滿載而歸，也不太願意兩袖清風，輸錢離場。可是，輸錢的人卻往往比贏錢的人多上好幾倍，歸根究底，原因到底是甚麼呢？

馬場上，其實存在著很多謬誤，這些謬誤，可能來自各方各面，卻深深影響了普羅馬迷對投注賽馬的認知，往往因而投下了錯誤的注碼。

藉著今個暑期同大家 talk 下。。。

無論參與任何博弈活動 想贏就必須要了解遊戲規則 賽馬最重要的一點 就係練馬師可以合法地投注 試想想一個可以直接或間接影響賽果的人 同普羅馬迷一樣可以投注喎 想贏 就必須要改從練馬師角度諗。
作者: DrHorse    時間: 2022-7-26 15:34

(2)

唓 從練馬師角度諗 咪又係阿媽係女人的所謂大道理 所以好多人一聽到有練馬師貼士就趨之若鶩 喂 練馬師貼士 其實通街都係 每個練馬師每次都有份貼士往馬主群通派 呢啲交際應酬式貼士 贏多定輸多 心照不宣了吧。

賽馬第二個重點 除了騎師王是由馬會操盤外 其他全是彩池制度。

所以 誰會願意同你分身家先 尤其是大彩池 假若一個獨中派 400 萬, 十個中變成派 40 萬, 即係我唔見左 360 萬 !
作者: DrHorse    時間: 2022-7-26 17:42

掃走速度驚人。。。

[attach]84638[/attach]
作者: DrHorse    時間: 2022-7-26 21:41

(3)

筆者就聽過以下一單真人真事 來自某某馬主助手在場人仕說。。。

某年某月某日沙田賽事第九場 某某洋練馬師同場有兩匹馬上陣 洋練馬師助手賽前在馬主廂房向各人大派貼士：「Win 賭佢邊隻 賭 Qin 要拖埋另一隻。。。」

聰明的讀者們唔講都估到跑乜。。。話賭 win 嗰隻大熱無影,  話 Qin 要拖嗰隻爆大冷 win jor.

好戲還在後頭。。。當個個以為洋練馬師助手唔敢再出現之際 尾場開跑前佢拿一疊飛上嚟派 每注幾多 $ 筆者就唔記得 jor 賭尾場洋練馬師另一匹賽駒話補數 。。。

聰明的讀者們又唔駛講都估到跑乜。。。尾場洋練馬師賽駒順利勝出！

有一點一定無記錯 就是「洋」練馬師。
作者: DrHorse    時間: 2022-7-27 09:24

(4)

Hey 咁仲話 練馬師 唔古惑。。。

咁 既然練馬師可以合法地投注 嚴格來說 就係敵人 就係對手 所以乜乜乜乜練馬師專訪 聽下就算唄。

但 嘴裏說不 身體卻很誠實 除非有特殊目的 例如要衝擊紀錄云云 練馬師才會監硬向難度挑戰 否則 若見其步署旗下馬匹往挑戰難度時 就好大機會在玩 聲東擊西 氹你入局。

公開場合下筆者只透露一些 大家不妨記存 ：就是「贏馬升班轉路程」

原因下刪一百字就不詳述了 舉一個近期筆者中得好應的實例：

季內 R796 C3 ST1600 蔡約翰 出馬 3 匹  大熱門正正是 「贏馬升班轉路程」的 自勝者強 最終 $19 蚊開跑 相對廄侶 連連行運 則一直跑開 ST1600。 結果 24 倍 win 120 倍 qin 全賴 自勝者強 擔起哂。

聰明的讀者又會問 係咪一定死梗架 賽馬沒有絕對 只係多數死 你買佢最多得 $19 唔買佢有機會贏 $240 都唔使揀喇掛 。。。

[attach]84639[/attach]
作者: DrHorse    時間: 2022-7-28 19:46

[youtube]sKq4PcAn2aI[/youtube]

整你個掣
作者: DrHorse    時間: 2022-7-29 12:16

(5)

講開熱門 就不能不提 莫雷拉 和 潘頓 場場大熱門次熱門 唔係你就係我 即使騎牛都熱 倘若 如果 有方法知道佢地邊隻唔去或者會輸 真係可以慳番好多注碼喎

再進一步看 練馬師揾到 莫雷拉 或 潘頓 騎隻唔去或者會輸的為乜 呵呵 大家咁聰明 筆者就無謂再班門弄斧了
作者: DrHorse    時間: 2022-7-29 12:48

(6)

究竟 除了真係識計馬匹本身實力外 有乜方法可以猜測到兩大高手邊隻唔去或者會輸呢？喂 實力馬一樣可以唔去同會輸嘛。。。

「十個字」講哂 但這卻是不能公開的祕密 筆者有間接地提過 留待各位聰明的馬友自己研究吧。

坊間有些馬評人的評馬「技兩」十分有趣 印象中嘛有些是這樣的 但凡是揾到 莫雷拉 或 潘頓 騎上去 一定就評為鬥志鮮明 講一啲二三線騎師坐騎咩 就會話支持度少 一定同你盡砌 隻馬得唔得？總之有四隻腳一條尾 最近唔係大敗就有機會咁囉

筆者常言道 若馬評人工資能與貼士表現掛勾 咁就真係好睇囉。
作者: DrHorse    時間: 2022-7-29 13:10

(7)

曾經有朋友問筆者 賽事錄影帶係應該點睇？？唓 咪用眼睇囉。。。講下笑啫

唔知大家仲記唔記得 季內 華麗活力 事件簿呢？究竟應該點睇帶 筆者已經示範咗一次 邊啲係重點 講哂 ：

好多資歷淺的都不會留意例如馬匹飛數變動 馬房全晚似搏殺定似陪跑 特別是鞍上人小動作

人既然會有失手 馬自然亦會有失蹄 搏失根本就是很平常的事  睇得出 下次自然就會本利歸還

[attach]84640[/attach]
作者: DrHorse    時間: 2022-7-29 13:46

(8)

「揾 潘頓 就係唔想贏」係咪諗都未諗過呢？呵呵

眾所周知 莫雷拉 同 潘頓 幫過大大小小馬房贏馬 唯獨有一個

與 莫雷拉 合作成功率很高 相反 揾親 潘頓 就好麻麻 最近三季直頭無 winner 添

有興趣可以自己去揾下邊個馬房咁把炮唄
作者: DrHorse    時間: 2022-7-30 15:55

(9)

若閣下又想贏馬但又唔想付出時間或金錢的話 相信總會有一個 youtuber 一份報紙 或者一位馬評家幫到手

從前筆者就遇上過：「喂 畀個 number 來 最多贏左請你食飯。。。」呵呵 原來仲要包生仔添！唔客氣咁講 畀你唔中盞俾你笑 中左呢 咪次次走嚟問我貼士 。。。嘩 直情變左免費勞工添 咪攪 筆者實在很抗拒 自己做到隻狗 人地就撓埋雙手 卻一齊分享「你」的成果。

如果想學睇搏失馬 近季尾剛好有一匹 R781 的 多多歡笑 各位大可自學成才耶。

[attach]84641[/attach]
作者: DrHorse    時間: 2022-7-31 23:58

新季度計劃大致諗好了。

本會將重收 VIP 會員，歡迎舊會員，舊普通區會員或舊 Patreon 訂戶申請，有興趣者可以私下 send 短訊或 WhatsApp to me personally，亦可以 WhatsApp 至 65458808 或電郵至 info@drhorsehk.net 向謝小姐查詢。

下季 DrHorse 再賣大包， VIP 會籍全包宴，包括 (1)  2022 - 2023 季度全季賽事所有應用圖表，賠率表，走蝕位仍近馬名單，賽馬結果資料總表，(2) 各場賽後賽事分析及目標備忘馬群組 等全套工具齊全，及 (3) 每次提供兩場過關心水 (十月份開始)，另送 (4) 暑期私人單對單補課一次共 4 小時， 和 (5) 2021 - 2022 季度全季 88 次賽事共 800 多場實戰攻略一本。

註：因名額有限，現只剩 2 名，售完即止。

另外 DrHorse 下季不會再寫 " Patreon ", 也不會獨立出售任何資訊或工具，實行贏馬一體化。

8 月 1 正式上班。
作者: DrHorse    時間: 2022-8-1 16:34

(10)

喂 係 R781 的 多多歡笑 而非 R821 的 多多歡笑 耶

Hey 大家有冇試過被遊說夾錢買大彩池或者六合彩的經驗呢？

點樣保障到自己唔怕持票人中彩後會夾帶私逃？？
作者: DrHorse    時間: 2022-8-2 13:54

有句說話叫做：沒有醜女人 只有懶女人

在筆者以往的教學經歷中  最常聽到就係學員話自己資質差！

將勤補拙 未聽過咩 一句資質差就頂得哂所有失敗嗎？

唔成功 冇成績 九成九源於一個字：懶

做一次唔記得做五次嘛 做五次唔記得做十次囉

曾經有朋友問筆者是否年年都贏大錢

咁又唔係喎 2018 年季度筆者埋單係負數 思前想後也是源於一個懶字

懶睇懶度跟飛玩足大半季 結果就炒了粉

有一句說話冇辦法唔信 亦有很深體會：力不到不為財
作者: DrHorse    時間: 2022-8-2 16:45

(11)

「跑馬不是跑自己 而是跑對手」

唔好以為呢個係 鬼唔知阿媽係女人 的道理 實情就係大把人唔識。

眾所周知 好多時候 同一個班次同一個路程 因為報名馬眾多 會安排拆組比賽 這就是揾好嘢的最佳時候

2022 年 4 月 13 日 C5 HV1000 被拆了組兩比賽 分別是 R576 & R577 其中 吉利大勝 豹子膽 銀亮之星 神朗金剛 於 7 月 13 日再度碰頭兼同場 究竟是 R576 中跑第 3 的 吉利大勝 高啲丫 定是 R577 中跑第 4 的 神朗金剛 高啲 呢？

如果認為 神朗金剛 高啲的話 咁 同普羅馬迷眼光一樣囉 皆因 神朗金剛 最終以 4.5 倍開跑而 吉利大勝 最終卻 6.0 倍開跑

又馬後炮喎師兄。。。無丫 我地個個都係買 吉利 架 只係無冇打鑼打鼓咁呼籲全世界一齊買咋 成千蚊 Qin 嘛容乜易得番一半都無架。。。

究竟賽前點計出 吉利大勝 高啲 ？臨場又有乜指標叫賭 吉利大勝 (閘前落最多飛卻是 神朗金剛) 呢？

History Ever Repeated 歷史只是不斷再重複著 呢場你識 其他自然都識 。。。又使乜下下等人地畀答案丫。

嗱 跑出 吉利大勝 叫做正常 跑出 神朗金剛 才叫「做馬」
作者: DrHorse    時間: 2022-8-3 16:25

(12)

有聰明 網友說 ：嘿 仲捉你唔到馬後炮。。。

2022 年 6 月 01 日 R713 C5 HV1000 神朗金剛 明明完勝 吉利大勝 喎。。。

那就請往 R713 看看條片吧。。。 8 神朗金剛 抽 3 檔積極由 2W 搶欄賺盡 C 欄跑道形勢勝出 反觀 5 吉利大勝 抽 8 檔則全程被頂 4W

單靠紙上賽績唄你梗係睇唔出啦 就連馬會 的沿途走勢評述都寫道：「受力策上前，走第三疊，走勢普通。」

走勢普通喎 自然冇人吼囉 今次再不是 8 檔 卻是 1 檔

何謂「跑馬跑對手」？對手相對形勢好過你 自然就要等下次。對手相對負磅著數過你 自然又要等下次。

筆者在十多年前寫下的賽馬格言：「步速形勢主宰一切，時移勢逆好馬不敵。」

「好馬」代表甚麼？意謂當場很有實力的馬。

那麼，是否應該選很有實力的馬去投注嗎？

非也，而是應該選會先過終點的馬。

「你」很厲害嗎？倘若多讓「我」幾磅又多讓「我」幾個檔位那又如何？

[attach]84699[/attach]
作者: DrHorse    時間: 2022-8-4 12:44     標題: 回復 20# DrHorse 的帖子

名額尚餘 1 個。
作者: DrHorse    時間: 2022-8-4 16:55

(13)

唓 吉利大勝 走 3 - 4W 又點啫

咁 R713 乃好快地 分段 12.66 21.09 23.33

查馬會 C5 HV1000 標準分段為 12.70 21.45 23.05

意謂 R713 乃偏快步速場合 再加上是 C 欄 居前置外疊就是三煞死位 理應大敗才對

喂 咁 天天智庫 12 檔前置咪仲好咩？如果這是 A 欄就係 但這是 C 欄

吉利大勝 走位較 天天智庫 更蝕底

唔明可以睇多次以下呢條片：

[youtube]WG4tKpEPTHk[/youtube]
作者: DrHorse    時間: 2022-8-5 12:18

(14)

曾經有馬友問筆者 每個賽日得千零蚊賭本點賭最好。。。

坦言 筆者不嬲都唔建議人大賭 小賭不一定怡情 但大賭多數亂性！

香港人每事忙 每次抽空刨到 3 場乜都夠皮啦，每場大約賭 $300，2 注 3 注 5 注 even 6 注都分得勻；留番 $300 整條過關 3x4 靈活玩就夠食架啦。

點棟埸次最好？批得死大熱門的埸次最好。。。起碼能減低開超熱無肉食的風險。wp 又好 q 又好 qp 又好；wp 自然吼半冷 筆者多數揀私伙備忘馬 甚麼 瑪神滿紛 呀 夢巴黎 呀咁囉；q 多數玩一拖五至六 max. 熱膽掃冷腳；qp 就一拖二至三 max. 最好用冷膽 靈活玩過關嘛可以混合夠哂彈性

通常 中到一場就回到本，唔好話次次中哂 3 關咁神，中到 2 口，加埋 3 串，少到盡都有幾千落袋唄 ……

又當你好黑仔，一個月 8 次，得 4 次中 2 口，4 次中 1 口得個吉，1 次 3 口都冇咁 pk ... 淨袋一萬無問題丫

反之 若次次三關皆北 證明閣下方法有問題 自己檢討下先啦 但千萬別將責任推出去 自欺欺人！
作者: DrHorse    時間: 2022-8-5 22:16

引用:
原帖由 DrHorse 於 2022-8-4 12:44 發表
名額尚餘 1 個。
滿額
作者: DrHorse    時間: 2022-8-6 15:26

(15)

"事後飛"

一提起 "事後飛" 相信很多馬友都會視之為 "馬後炮", "哂命" 所為, 瘋狂插之而後快. 不過, 筆者同樣見過有出 "事前飛" 者, 賽前一樣被人指著笑話倒錢落海, 賽後若輸掉更踩多兩腳, 被直插害人和累街坊云云, 咁自討沒趣, 真係乜飛都唔出算罷.

可是, 筆者卻很喜歡睇 "事後飛", 尤其是較複雜的投注組合. 往往別人的高招就是隱藏在內, 可不費吹灰之力便偷到師, 下次就有飛可貼.

Book : 偷學 -

贏馬的真本事, 誰都不會教, 你得偷學.

筆者經常提醒會員, 不要齋睇別人貼收錢飛拍拍手便算, 飛中 mostly 會顯示出別人暗藏的高招, 要在馬場上立足, 便得取別人之長, 再補別人之短, 那才有超越對手的本事.

[attach]84702[/attach]
作者: DrHorse    時間: 2022-8-7 20:09

(16)

昨晚約了幾位馬友砌磋雀技。。。

回家途中 與其中一位 談到工作 大呻其僱主幾咁無良 上司幾咁刻薄 同事幾咁陰險 客戶幾咁麻煩。。。

呵呵 筆者 20 年前全體驗過 卻知道是避無可避的 辭工唔撈咩 你去邊度都會有雷同情況。。。

自己做老板咩  調返轉 你有機會要面對難搞 唔合作 甚至攪事的員工。。。

這也促成筆者踏上全職賽馬人之路。

筆者曾說 : 賽馬, 不受制於你的上司, 不受制於你的下屬, 不受制於你的客戶, 不受制於市場狀況,  更不受制於人脈, 不受制於際遇. 你肯付出幾多努力, 有幾多本事就可以揾幾多.

大家在工作上, 又有否試過受制於你的上司, 受制於你的下屬, 受制於你的客戶, 受制於市場狀況,  受制於人脈, or 受制於際遇而表現受到影響呢 ? 筆者也就差不多樣樣都試過, 諗起都嬲到爆炸 !!!   

所以筆者十分喜歡賽馬, 且入得嚟本會的一定係志同道合, 有共同目標的伙伴, 絕不會是一些想你死, 想你失敗, 想你被踩在腳下的人. 你的成功, 標誌著大家的成功; 你的勝利, 標誌著一班人的勝利

筆者所指的伙伴 並非那種佢立心只做一成而等你做九成 然後共享成果的人

這種人老實說很多 係咪叫「躺贏」咁呢？

唔好意思 筆者字典裏 不存在可以拍拍籮柚等開飯這回事。

一起付出才有資格共享勝果。
作者: DrHorse    時間: 2022-8-8 15:26

(17)

一講到賽馬贏錢 大多數吃瓜群眾必跳出來揶揄一番
「賭馬贏到錢 就無咁多人輸錢啦」
咁 彩池制喎 無人輸錢又邊有人贏錢呢？

「賭馬贏到錢 馬會執咗笠喇」
咁 馬會負責抽水之嘛 又唔係同你對賭 怕你有牙咩！

「賭馬贏到錢 就無窮人喇」
咁 贏唔贏到 同識唔識贏 係兩回事喎
考試夠有人考第一 有人考第尾 唔通你又話 讀書咁易 就唔會有人考第尾啦
再者 同你講「讀書咁易 就唔會有人考第尾啦」那位九成九會係讀書不成嗰個了吧

如果你都打算等考第尾就信佢

唔識贏錢 但又唔想輸錢 最折衷的辦法就係「唔賭」此乃金句
想落場踢波 但係又唔想輸波 一係就行行企企搏躺贏 一係就認認真真強化自己
作者: DrHorse    時間: 2022-8-8 16:53

(18)

初初學玩馬仔的 最普遍嗰類 就係有一隻「魔鬼」帶你入行 筆者也不例外

第一次乜 Q 都唔識嘛 梗係人哋話買乜你就買乜 第一次就見証朋友中正六環彩

畀著其他人可能以後都跟住嗰個朋友賭 筆者卻選擇自修 求人不如求己 細細個已經係咁諗

嗰陣時冇互聯網 每次都買幾份唔同馬經睇 睇下啲馬評人點評和點寫 由淺入深 學下乜嘢叫做賽馬先

且坊間凡係有咩關於賽馬書籍都買來睇 去蕪存菁 找出重點 自行梳理出一套來

說實在 過往掉過大量想法和理論進廢紙筒 20 多年時間 反反覆覆的試煉 輾輾轉轉才轉化至今 算是小成
作者: DrHorse    時間: 2022-8-11 00:23

筆者日前路過某講馬頻道 看見有位人兄踩其他講馬頻道馬評人是 9 up KOL
咁有趣 好奇心驅使下筆者就跟住條 link 去睇睇。。。

哦 原來係貼唔中幾場馬 同埋幾場賽前唔睇好的馬勝出啫 平常過平常
大把係咁 只係跑完就當粉筆字抹咗算

忽發奇想 莫非這位人兄好勁 咁樣踩人
就隨意地看了一看「他」某日的分析。。。

看罷童心起 節錄了其七月一號的分析，驚嘆的是，10 場可以貼死 8 場頭馬

[youtube]mCg9TSevnSk[/youtube]

喂 五十步笑百步啫 下話！
作者: DrHorse    時間: 2022-8-13 19:58

筆者暑假叫做得閒啲 有時間常常翻看舊帖。。。有一則係咁。。。

在決定停寫了 Patreon 後的確收到不少入會查詢，但普遍當知道會費者多數嘩然 全因 Patreon 乃逐個月計兼以往實在太太太平了，坦言純粹抱娛樂心態的多不會有興趣。

再者 VIP 會籍只限額 10 數個，基本上已全由舊會員包攬了。

至於 值定唔值 就隨你地點諗吧.

要貼中馬不難 好多馬評家都得 但要頻頻中才難.

[attach]84703[/attach]
作者: DrHorse    時間: 2022-8-13 21:33

日前在辦事處給新會員補補課 一講就講了 4 小時。。。回家時發覺喉嚨痛 大家都知 依家中新冠很容易 驚驚 嗱嗱聲做檢測 巧彩無事

這位新會員嘛 在 2018 年時曾到本會石門會址上過堂 一直有訂閱 DrHorse 產品至今始入會 看來觀察了足足 4 年知道價值了吧

記得曾有網友說 筆者講職業賭徒唔錯係教壞人.

咁 筆者只係以一個過來身份分享一下感受 再者 職業賭徒 這條路絕對唔易行 唔係想做就有質素做 初試者筆者從來都只係建議當兼職而已.
作者: DrHorse    時間: 2022-8-17 13:57

很多人認為 當一個成功 職業賭徒嘛 最重要就是紀律 不諱言 打算「孤身走我路」者就係 但若以一個團隊形式來運作計  團隊精神則更顯重要 唯 Team Operation 有二大忌：第一. 無責任感. 做事馬虎, 或隨時唔見人, 甚至失聯; 第二. 無誠信, 謊話連篇.

今期想同大家分享一則個案 。。。

話說在 2018 年時筆者籌組了新公司 為方便某同事上班 辦事處特意從新蒲崗搬入石門 (利申 筆者家住將軍澳) 另在會員群中 recruit 了幾位年青人嘗試培訓成為 職業賽馬人 筆者的接班人

當時公司開出的條件是 每次每人負責分析兩場 每場底薪 $400

第一個月可以不提供 底薪照付 另加津貼

第二個月可以提供或不提供 有提供則該底薪 $400 照提供買, 贏幾多就直接收幾多 輸不用負責 若不提供 底薪仍照付

第三個月必須提供 該底薪 $400 照買, 贏幾多就直接收幾多 輸不用負責

第四個月開始沒有底薪 而公司則會按頭三個月表現決定各進一步投放多少本金和分佣比例

待續。。。
作者: wwe258    時間: 2022-8-17 14:22

引用:
原帖由 DrHorse 於 2022-8-17 13:57 發表
很多人認為 當一個成功 職業賭徒嘛 最重要就是紀律 不諱言 打算「孤身走我路」者就係 但若以一個團隊形式來運作計  團隊精神則更顯重要 唯 Team Operation 有二大忌：第一. 無責任感. 做事馬虎, 或隨時唔見人, 甚至失 ...
有趣有趣 很想知道點發展落去 期待
作者: DrHorse    時間: 2022-8-17 17:55

講大道理通常冇人想聽 講故仔反而好有興趣 ...
作者: DrHorse    時間: 2022-8-17 18:27

將個人賽馬事業團隊化 是筆者多年的心願 呢個都係我一直願意教的原因 常言道 一個人一對手 24 小時 可以做得幾多又可以做得幾耐丫

但是 請留意會員季尾貼文：

[attach]84704[/attach]

「。。。有馬跑的日子特別覺得充實,雖然刨時覺得辛苦,但獲得收穫時非常有成功感。
如果以前我只會選擇刨1-2場作主力出擊,依傢有了DR配套既幫助刨3-4場以上唔算太難同花太多時間,
變了選擇更多方式去過關或太彩池投資。
非常感激DR今季的教導
希望下季還可以跟隨DR步伐一起向前走,一人能力有限,如果有人在你身旁扶持一下,
相信只會走得更遠更穩健。。。」

請看清看楚！係「教導」「扶持」。有些嘛總是想著跟住 Dr 就會有貼士幫你贏錢 這是一個美麗的誤會 筆者從來都唔行呢套 只偶一為之提下水而已

想成為職業賽馬人 就要有獨當一面的能力 如果 Dr 刨埋畀你 咁唔係公司俾底薪你 而係你俾工資我。

好了 話說回來 到過石門會址的朋友 例如去上過堂的都知 石門地方唔細架 租金卻是 新蒲崗 的 6 倍 再加埋裝修 添置家具 器材 水電 等等 簽租約一年 大約需要 25 萬
再加上工資底薪等支出 共需籌集 45 萬 三人均分每人付 15 萬

待續。。。
作者: DrHorse    時間: 2022-8-18 16:34

距正式開鑼尚有月餘 當然就係積極備戰

他們並不是新人 對筆者那套法則有一定了解 備戰就是 review 過往賽事和進行練習

有表示希望 能藉著這個空檔期 去旅行充一充電後才回來搏殺

fine 心想全職較兼職多很多倍時間 也無妨

開鑼了排位日正式開工。。。其中一個就已經失蹤並失聯了。。。

其間有人同我講佢病左 但三日後當事人現身 實情是與家人北上未歸 又用唔到 whatapps 通知我

當然 要通知我可以有好多方法 包括在論壇留言 甚至打電話

Anyway 筆者只能向佢解釋 Team Operation 玩失蹤是不能接受 且要講或要教的莫非要拆開講嗎 ?

安排了的分工又要突然搵其他人負責 唔掂！

待續。。。
作者: DrHorse    時間: 2022-8-20 21:47

換個角度看 當事人肯承認過失 沒有用一個大話再冚另一個大話 是值得讚揚

開季第一個月 這三個年青人模擬成績一般 季初嘛很正常 九月份公司進帳亦不足 $5000

底薪照出 (如圖)

到第二個月 三人成績分別是：和，小勝，中勝。分別收取了 八千多 九千多 和 一萬四千多 而十月份公司進帳亦超過 10 萬

唔錯丫 筆者仲記得大家拉大隊去沙田酒店食鐵板燒 慶祝添

[attach]84705[/attach]

待續。。。
作者: DrHorse    時間: 2022-8-20 23:07

聰明的你就會察覺 點解唔見 11 月份工資。。。

係，你猜得無錯， 到第三個月 三人成績大倒退分別是：負，負，負，全負 各人底薪自然歸零 而十一月份公司竟然要倒蝕 5 萬多

這是一個很驚人且完全無法理解的結果 公司立即召開緊急會議討論。。。

結論：三個月試用期內仍無有過正成績的其中一個建議離隊。

坦言 若發覺唔適合成為 職業賽馬人  再磨落去都係嘥佢地時間 及時壯士斷臂 可以快啲搵返份工 且越遲越兩頭唔到岸 話畀人聽只係放咗三個月假都好辦

到第四個月 餘下二人統計成績仍然是：負。筆者亦感無奈 只能宣告培訓計劃失敗

待續。。。
作者: DrHorse    時間: 2022-8-21 14:24

當時 有想過讓餘下二人繼續 但一來 正如之前所說 唔適合的話 再磨落去對他們而言風險很大 越遲越兩頭唔到岸

二來 各自出現一段小插曲。。。促使最後解散

其中一個又突然失蹤並失聯多天 且約在一星期後才現身 說急病進了醫院 但無手機所以無法通知我

然而卻沒提供任何醫生紙或住院証明。。。fine 要証明嘛 好像在說我不信任你 但 公司就是要看証據

另一個則表明想轉文職 但一來這不是培訓計劃的原意 二來我們亦不需要文職 既然已打算放棄就不如搵返份工更好

老實說 三人均抱著不同程度的不滿而離開 但既然試過唔得 就必須果斷 再磨落去 真係浪費你地時間而已

一個很大的辦事處一下子得番 2 個人工作：筆者和另一位要員 著實是空蕩和浪費 直至 12 月底時 另一個故事便隨之而發生了。。。

待續。。。
作者: wwe258    時間: 2022-8-22 11:53

引用:
原帖由 DrHorse 於 2022-8-21 14:24 發表
當時 有想過讓餘下二人繼續 但一來 正如之前所說 唔適合的話 再磨落去對他們而言風險很大 越遲越兩頭唔到岸

二來 各自出現一段小插曲。。。促使最後解散

其中一個又突然失蹤並失聯多天 且約在一星期後才現身 說 ...
三個人是dr 精心挑選？
作者: DrHorse    時間: 2022-8-22 13:50

引用:
原帖由 wwe258 於 2022-8-22 11:53 發表

三個人是dr 精心挑選？
合符最基本 ：年輕 未婚 沒有極大要養妻活兒的家庭負擔 有冒險拼搏的條件
作者: DrHorse    時間: 2022-8-22 13:59

其實 與成為一名出色醫生又好 一名出色律師也罷 過程一樣係艱辛和充滿挑戰 心理質素和毅力缺一不可

無錯 職業賽馬人 收入可不遜色於 醫生 或 律師 等專業界別 但重申 筆者沒有說能成為出色職業賽馬人是易如反掌的事

也許 定會認為 梗係 筆者 啲方法唔得。。。唔得 本會就不會 4 年後的今天仍然存在；唔得 就不會下山去的仍在做我教的表 仍在做我教的蝕馬；唔得 就不會有舊會友回歸 在短短幾個月間 注碼可提升 4 倍

也曾經有認為 話我唔俾心水佢地 及後甚至發覺 有走去問其他人買乜嘢好。。。看來你完全唔知道你自己坐係乜嘢位置上！喂, 你係負責提供嗰個唄 師兄。。。

還有很多匪夷所思和荒誕的說法 總而言之 問題不在我 肯定在 DrHorse 你 例如話你教導無方 又話從來都無人工被揾笨云云

及後嘛 更有靜悄悄上論壇刪帖 或開分身帳號玩唱雙簧攪亂檔 被論壇後台發覺了還要想反咬一口 。。。坦言 筆者通通理解亦不會與任何人計較
作者: DrHorse    時間: 2022-8-23 00:18

原來不經不覺就四年了 又到踢世界盃的時候 真懷念一班人喺石門睇波 打機賭馬的日子

還記得賭到無野賭 打 PS4 FIFA pk 一粒 $100
作者: DrHorse    時間: 2022-8-23 23:33

最近筆者聽到一些聲音，著實離奇。。。

如果唔中馬 咪無糧出？？？有無攪錯。。。

喂 recruit 各位來做甚麼職位？有甚麼責任？文員嗎？？打雜咩？？ 目標係培訓成為 「職業賽馬人」呀

「職業賽馬人」呀 唔係請你做 9 up 馬評家 貼馬中唔中都有錢落袋。。。

所以才說 你完全唔知道你自己坐係乜嘢位置上

一個月培訓練習 + 三個月連底薪試用期 懂嗎？

唓 咁自己賭都得啦。。。啱  recruit 時可以拒絕 例如覺得自己現在份工好有前景 甚麼就升職加薪云云 搏唔搏得過 通通由你自己考量

有咩唔同？

「第四個月開始沒有底薪 而公司則會按頭三個月表現決定各進一步投放多少本金和分佣比例」

試用期滿表現好 公司自然願意加碼 買 $4,000 甚至 $40,000 一場都有得傾 (當其時由筆者本人提供的 大概買到 $100,000 以上一場)

你自己會賭到 $4,000 甚至 $40,000 一場嗎？分成一定多過自己賭唄

唯 既無成績又無表現 請問你想公司點加碼法？？
作者: DrHorse    時間: 2022-8-25 19:12

尚餘兩個禮拜就開鑼 下半場故事嘛筆者就唔打算再爆了 收拾心情等開波吧

人地無當你係師傅啫 筆者仍然當你哋係徒弟 一句到尾：「人在做 天在看！好自為之。」

anyway 2018 年最大的成就 就是一連打爆了 spider man & red dead redemption
作者: DrHorse    時間: 2022-8-29 16:00

世界盃来了

[attach]84716[/attach]
作者: DrHorse    時間: 2022-9-6 21:32

開鑼在即 給各位網友 馬友 送上 新一季的祝福

[attach]84720[/attach]

在這個馬場上 努力 最不值得拿出來誇口 這是基本 是人人都會做到的 是最低層 最渺小的東西 搞清楚這一點 才能向高處攀登





歡迎光臨 駿薈馬迷會 (http://drhorsehk.net/bbs/) Powered by Discuz! 6.1.0