駿薈馬迷會 - Powered by Discuz! Board

標題: 會員感想和得著分享 [打印本頁]

作者: DrHorse 時間: 2011-7-7 14:42 標題: 會員感想和得著分享

本年度馬季即將結束, DrHorse 在此先行謝過各位會員在過往日子裏的鼎力支持和協助, 得使本馬迷會逐漸成長

同時亦想藉此聽聽各位, 特別是去季才加入的新會員們之感想和得著.

1. 此帖將會在本網站暑期開放日時移出給遊客瀏覽.

2. 任何無論正面或負面感想均保証不會被刪改.

DrHorse

作者: hang07_24 時間: 2011-7-8 22:10

由我先說吧

初來時我只看YB Table及隱形票,係..的確比以前命中率有增加,因為冇秤績(我惰

)但仍然隻馬嬴輸都唔知點解

直至加入五評小組,因為唔想老點咁多位兄弟焗住要秤績,我秤得較慢,一場可能要兩三粒鐘...秤完後,你會知道d馬係蝕定賺,再套用今場形勢磅位,
大約會知範圍是什麼,起碼買左輸贏都知自己岩唔岩,賽後再review睇下邊度秤錯左.

最後我總覺得秤績比臨場yb更為重要,要付出一定時間,機會留給有準備的人

來季真係想跟Dr學睇帶

[ 本帖最後由 hang07_24 於 2011-7-8 22:11 編輯 ]

作者: 若愚 時間: 2011-7-11 20:09

初期進展是緩慢的，會員都只在看dr的個人表演作投注前參考...

直至勝哥提出分場討論，這就把單向的方法理論演化成互動的實用教程...

任何導學，都需要有課程設計，才可把知識遵序漸進地灌輸....

個人建議來季可定期多辦點增補課程飯局，讓會員可以近距離發問，同時亦可以聯誼....

希望dr來季把課程編排設計得更好...

作者: shing12091 時間: 2011-7-12 23:27

,馬季就快就過去,我最遲加入馬迷會,未加入前選馬時心大心細,沒方向沒步驟,當加入馬迷會原來選馬有方法去分折,之後自已加入五項小組,對賽馬有更多知識方法,自已身邊朋友好少賭馬,來到這裡和一班高手討論進步一定會快過自己一個人,
希望來季進步更好...

作者: hang07_24 時間: 2011-7-12 23:50

我身邊都冇朋友賭馬

,我們便是你朋友,得閒飲茶

作者: chkchk 時間: 2011-7-13 23:37

引馬神秘笈一句話, 總結我在這裡的得著.

勝負重要, 更重要是如何勝, 如何負.

知道一隻馬點輸點贏, 對投注有好直接的幫助.

呢度同坊間最唔同嘅地方係 --- 教你釣魚, 而唔係餵你吃魚!!

作者: 馬房紅褲仔 時間: 2011-7-16 09:03

到我分享下先：

入呢個會初頭都係玩票性質，心諗就睇下work 唔work？唔得未算羅！

可以咁講起初我都係浮遊式去學，真正用心去領悟都係季尾（多謝dr 推我一把）。不過呢一推令我更加明白到唔係賭博咁簡單，絕對有理據響背後支持，輸贏係有原因，並唔不是大眾果套「厚黑學」。

另外，我好慶幸能加入五秤小組，從中獲益良多.

老土果句：Be, Do, Have! Concept is definitely simple but whoever live it up? All by your selection.....bro...let's work hard in return more in new season!!

[ 本帖最後由馬房紅褲仔於 2011-7-18 08:29 編輯 ]

作者: SudokuTA 時間: 2011-7-17 13:01 標題: 無知

我們日常遇到一些事情，唔知道點解係咁，我們可以參考一些書本，或者嘗試深入研究一下看看是甚麼因由。
如果，單憑一些舊知識，舊經驗係解釋唔到；祇有不斷研究、不斷分析才有新的答案。

看見一些馬評人經常因為分析錯誤而十分苦惱，轉而怪責騎師、練馬師。
但他們從來唔會發現原因是自己的一套方法唔夠用。

學習的目的是解決問題
但如果跟這些馬評家的方法或思維去選馬，後果不問而知。

相信在這裡的會員時常會發現，馬評家時常將一些經我們分析必敗的馬匹用來做膽；
再者在落敗後，無法面對失敗，淨係講唔知發生乜野問題，差劣的更轉而怪責騎練。

我許多時會問，點解我地都知，佢地都唔知？
這正正反映我們使用的方法係幾咁有用。而這些亦是大家努力的成果。

作者: longlong1984 時間: 2011-7-17 15:07

2年多前既馬季,次機緣巧合我無意間去左某個賽馬論壇.初心諗呢個論壇幾像樣,可以跟一班對賽馬有熱誠既馬迷交流一下,該會有所得著…久而久之發覺漸漸變左質=.= 開始失去左興趣.但有一版題叫說文解馬,那個版主佢又久唔久解說一下點解果隻馬會輸(果隻馬大部份人都看好)但佢又話果隻馬麻麻地喎(結果真係冇影)係好奇心既驅使下就開始留意下佢既POST,內心其實好想入去睇下佢板內既內容,但要先做會員才可以.當時的我心諗幾千銀呀大佬  ,比人賺不如自己賭啦…內心掙窄左好耐,最後都入左會.其實除開都係講緊一個賽馬日都係幾十蚊,輸都輸左去喇.
  弟一季入會的那年,頭兩個月由於好多野都從未接觸過,上手比較慢,仍然會嘗試到食白果既滋味  …之後慢慢地開始掌握到有系統咁賭馬…HAHA跟住你想食白果都難.但感覺上說文解馬個版主套野幾WORK但好似爭左D野咁,但又講唔出喎.
由於弟一季都有點盈利.弟二季(即剛季)就繼續做會員..但開鑼前發生左一段小插曲,某論壇突然冇左說文解馬果板野,慶幸地說文解馬版主有遠見,早有準備免得我地流離失所. 去到呢度都係叫返DR.
  好喇好到弟2季.DR 擁有自己地方(即係呢度).開季無幾耐就發覺左一樣野(就係之前講唔出果樣), DR 既教授方式變左好多,變得更績極更進取,毫無保留全力教導,直頭係地獄式操練,強迫會員們盡快學識佢D野(自己覺得慚愧唔努力有返D成績好似愧對DR.)
DR.既無私真係值得我為佢致敬.(鼓掌...啪啪啪啪啪)
剛剛過去既馬季自己覺得駿薈即係呢度變左好多,除左自己和各會員撰馬能力進步左之外.呢度變得更團隊更有效率.唔誇張咁講句駿薈變左一個研究和參與賽馬既樂園.

  爆下料先,求其講幾樣先.HOPE DR.唔好踼出會啦.
1.       快速刪馬..馬匹得唔得一早就知
2.       閘前飛..埋門大概既邊D馬匹會落飛…做會員既一早就知
3.       馬匹實力. FU KO SHING…..十幾賠得手...HAHA笑左
仲有好多策略同理論多不勝數
以下係其中一招
5413 06-07-2011
19:33 跑馬地
星期三連贏 2 場 11 熱錢拖 1 駟馬難追 +
         2 王者先鋒 + 3 祥禎 +
         6 辣得喜
弊家伙講多左添
好耐冇賭馬LU 因為現在既我可以夠膽同其他人講我係參與賽馬
以前入馬會唔係去入錢就係補槍,而家入馬會好想大叫多謝老闆..HAHA
係度再一次多謝DR.教曉我何謂賽馬(DR.唔介意的話容許我叫你一聲師傅嗎)
AND 多謝咁多位BRO….能夠跟你地一起研究馬匹,一大樂事也…
來緊既馬季…HOPE大家贏多D..

[ 本帖最後由 longlong1984 於 2011-7-17 21:18 編輯 ]

作者: muimui 時間: 2011-7-17 22:39

我都要寫一啲野....哈哈....其實我都忘記了幾時參加DR.呢個網.....總之我應該係一個最懶既會員,懶睇,懶學,懶做,好多時都比DR.當頭棒殼,冇睇POST,而家知道有好多野都係要睇要做要學的.....希望來季...可以改變吓.....
以前係想睇到人地買咩跟住買便是....但係呢到唔好用呢種心態,因為冇付出過係永遠人云亦云而已.....
在這最開心就係識到一班志同道合的朋友,例如JK,WONG SIR, LONGLONG, 由其呢3個係神中之神....都是我的偶像.....佢地成日都比到我一啲驚喜....哈!好難想像到佢地有這麼大的吸引力???
希望佢地繼續在這幫吓啲兄弟手......
呀係呢到仲要多謝一啲新偶像....勝哥,奕先生,鍾聲等....最多謝就係DR.啦....仲有係支89年紅酒....
(排名不分先後,如有錯流.....多多包涵.....)

[ 本帖最後由 muimui 於 2011-7-17 22:45 編輯 ]

作者: muimui 時間: 2011-7-17 22:54

引用:

原帖由 longlong1984 於 2011-7-17 15:07 發表
2年多前既馬季,次機緣巧合我無意間去左某個賽馬論壇.初心諗呢個論壇幾像樣,可以跟一班對賽馬有熱誠既馬迷交流一下,該會有所得著…久而久之發覺漸漸變左質=.= 開始失去左興趣.但有一版題叫說文解馬,那個版主佢又久唔久 ...

你就好啦!!!!!我仲懶過你......我要努力追返近啲先得....記得教我呀......

作者: 鍾聲慈善社 時間: 2011-7-18 00:02

講講下都參加左4年!!...今年係推出最多新野既一年, 各位新會員有福啦.
以往既睇飛表...都仲未有深入既究研...今賽後都抽幾場作一一解釋...
還有些增程/縮程/質新/贏完既馬等...都有另一套睇法...唔洗刨到一舊雲...
加上有埋投注策略教學...點買點買一目了然...唔中都難

最後thx dr. 無私教學...在這裡充滿希望...贏大錢基本就係指逸可待

作者: 馬房紅褲仔 時間: 2011-7-18 08:42

引用:

原帖由 longlong1984 於 2011-7-17 15:07 發表
2年多前既馬季,次機緣巧合我無意間去左某個賽馬論壇.初心諗呢個論壇幾像樣,可以跟一班對賽馬有熱誠既馬迷交流一下,該會有所得著…久而久之發覺漸漸變左質=.= 開始失去左興趣.但有一版題叫說文解馬,那個版主佢又久唔久 ...

厲害...千字文既「出師表」！

我發現多一個秘密，原來longlong既文筆深不苛側..高人..

作者: 亦先生 時間: 2011-7-18 21:47

賽馬為何物

係政府反賭博宣傳片中，就係倒錢落海的其中一種途徑........

係運動學者當中，佢喺一項運動，用體力的........

係一般家庭主婦心目中，佢係唔知點解啲畜生係度走來走出，而啲人又圍住個電視機係度睇..........

係小朋友眼中，佢星期日阻住佢地睇卡通片嘅節目..............

係一般嘅馬迷心目中，係香港其中一種博彩活動，但係成日輸錢.........

係我嘅心目中，賽馬應該係香港其中一種投資嘅工具，佢嘅本可以唔駛好多、唔受外圍金融環境影響、人為操控比投資股票少同易睇啲(my own option).............就喺呢種投資，有一種幻得幻失嘅感覺，有時又好似掌握得到，有時又好似毫無頭緒，出現極度的挫敗感................

After 加入駿薈馬迷會...........

DrHorse 話賽馬的賽果全部有績可尋，絕非隨意或隨機..................

DrHorse 話賽馬的賽果有方法搵膽買Q，買W，入圍率有8成3.................................

DrHorse 話刨馬係一份唔錯嘅part-time，可以搵到時薪＄3 - 4000......(大師兄嗰啲)

DrHorse 嘅理論係有其道理在內，比較起自己嘅刨馬方式時，喺會搵出自己的不足之處；比較起其他人嘅選馬方式時，會發現其他人揀馬你喺唔知點解會咁樣揀，又或者講咗你都未必跟到................

踏入第二季（我指跟 DrHorse 學揀馬），我希望可以學到好似其他師兄咁，搵都一份唔錯時薪嘅 part-time 喇

作者: bingno 時間: 2011-7-19 01:19

已經唔記得幾時開始賭馬(大概二十年前)，咁多年嚟我都將佢睇成為娛樂、興趣和可賺錢的活動，但無論點都好唔能夠否認過程中都幾孤獨，家人同身邊朋友（特別係某些女性）好大程度係用一個負面態度去睇賽馬，所以好多時候當你集中精神享受緊你同馬會鬥智鬥力嘅時候身邊總係有人對你唸唸有詞，"唔好賭咁大呀"、"賭馬冇發達"、"賭少啲屋都買到"之類嘅喃嘸！當然你心知的確有大條道理去反駁佢（除非你賭身家又舖舖輸果隻）但為着息事寧人起見你唯有不斷重複講"我賭幾十蚊玩吓啫"去令身邊人覺得就算輸都不過幾十蚊當娛樂啫，咪再煩啦！（不過”玩吓啫”呢句野就更令佢地覺得你都認同賭馬係輸梗嘅）
的確咁多年嚟真係見盡唔少身邊賭馬嘅朋友退隱江湖，歸納其最大原因都係----輸到無癮！以我了解其實最大問題係佢地有強烈贏馬嘅心態但冇去認真研究贏馬方法（就係咁所以我會覺得孤獨）！最佳例子係我身邊一個識咗大半年嘅馬迷朋友，佢對賽馬認識頗深，但居然每次下注方法係跟蘋果精選（某幾隻）加方X輝專欄（某幾隻）自製3穿7連贏過關，每次幾百蚊，當然這大半年來我沒有聽過他贏過什麼錢兼他本人也常常向我表示很心灰！估計我這位朋友不久將來都是輸乾離場！
所以對於賽馬，我是抱着是一門大學問去對待他，這些年來自己也研究出一套系統去度馬買馬。但畢竟一人之力有限，直至前季尾在某馬網上讀到Dr. Horse的理論和法則，很多是自己忽略或根本沒有想到的要點，好奇心加上求知慾驅使下在上季入了會！
很快這一馬季又完結了，總結這會給我的得著是第一加深認識了揀馬的要點，每一場怎樣去稱每隻馬的實際能力。再結合自己一套可收事半功倍之效。
第二當然是Dr.的每場的黃藍圖表指引，隱形票，Q-pattern等等，還有我最看重的賽後每場評論（因這自己做真的太費時，又或能力不及，但無疑這part對下一次再出馬匹的選擇極其重要）
最後當然是可認識一班志同道合的馬迷朋友，可以用一個理論的角度去討論或交流心得！當中有很多會員更是卧虎藏龍！期待新的一季更可發輝出團隊精神，齊齊參與，可省回不少時間，齊齊搵銀，

作者: BBhorse 時間: 2011-7-19 22:32

駿薈馬迷會是一個什麼地方?
在這裡可以學習怎樣去對每隻馬匹作出比較秤選,.很有科學化
今年Dr. 師父在網上大力教學可惜近年自己太忙, 賽馬的時間少了,未能跟得上,自己應可說是一個底子最弱…包尾的學生…..一分耕耘一分收穫看到有兄弟今年成績理想非常羨慕及令人鼓舞!
不過即使沒有時間臨場都可以看看Dr.的睇飛系統有沒有好貼士或看看有做了功課的兄弟們有沒有揾到好野都是不錯的選擇
另外Dr 亦每年舉辦有揀馬比賽有獎賞呢 !

[ 本帖最後由 BBhorse 於 2011-7-19 22:34 編輯 ]

作者: jk888kk 時間: 2011-7-20 01:33

大約在二零零七年十一月，當時既我在研究隔夜賠率與檔位分組時想找多一點點資料，所以在一次Google search中，尋找到一個賽馬論壇，在好奇心驅駛下，click左入去睇下係乜料，係無意之中見到一啲海外賽事的隱形票提供（當時博士係會益下專區出面的人），睇完之後心諗咁冷既，照跟買條Q餐先，點知真係中左（實數唔記得，好似千幾蚊），跟住就周不時入去睇下博士有咩post，從而發現除隱形票外，還有蝕位馬，所以到了季尾就決定入會一試。入左會後發現還有模式法，模式法中的Group 1,2,3與我之前的隔夜賠率分組好相似，更發覺原來有人比我更早想出用分組去找尋模式，而且更有系統地做統計，更使自己覺得係井底之蛙，但有一樣可以肯定既係，我起碼與博士有同一理念，所以決心要從博士身上學習更多。當然我現在已不需要再做隔夜賠率組合與檔位組合之類的統計，因為博士所提供的資訊，已經俾到我，令我原本諗住需要幾年時間去做既野，依家已經可以更快地得到。

在入會初期，當時其實還未知怎去應用隱形票，模式法與蝕位馬，但隨著博士不斷的講解和睇返博士以往在模式法應用的post，慢慢便能上手，之後博士再從速勢中領悟減分加磅馬（X馬），與加分減磅馬（Y+馬），及不時提及的班磅法，使我覺得賽馬真是不能靠一招半式的，所以到第二年續會，我決定將博士能給我的資訊去做一個我覺得適合我用既四連環表，經過三個月不斷的調較，終於完成屬於自己既四連環表（當然內裡八成的資訊係博士提供的），亦都係第二季贏到超過十萬元的利潤（相信當時運氣亦佔不少部分），但我知道單靠四連環表是不足夠的，我還要增強對賽績方面的判斷，所以在段速方面下多點苦功（依樣更要多謝壞人大大師兄之前所給我的file，使我有所啟發啦！），經過一年努力希望來季可以有成果。當然在剛過去的一季，博士更將秘技五項評傳授給各會員，令我在刨馬方面又得手應手，雖然開始時真係要諗好多野，但後來勝哥提出各兄弟一齊參與五項評後，做多左，自然更得手應手，知道一隻馬夠竟贏啲乜輸啲乜，再加上博士不時的提點，所以對出擊或fold的場次令我更能掌握。剛剛一季利潤亦有六萬多，雖然沒前季有十幾萬咁多，因為當時季中投注的策略有所改變（例如用多左錢買過關，或者忍唔到手買大左），令到兩頭唔到岸，但到季尾已納回正軌，所以利潤亦急速攀升，相信只要繼續依個方向，希望來季能向二十萬依個目標進法！

其實每個人在這裡都會有所得著，視乎大家能領悟幾多能夠所得幾多！就正如「師父領進門，修行在個人。」

[ 本帖最後由 jk888kk 於 2011-7-20 04:25 編輯 ]

作者: pekopoko 時間: 2011-7-20 15:41

買馬仔原因為乜先?, 貪過癮? 為娛樂? $多冇"訂"洗? 如果真係咁, 呢度未必適合你.....其實答案得一個, 係要贏$, 唔係贏馬會$, 係要贏同你一樣買馬仔個班人既$, 如果你都只係跟tips買馬既人兄,呢度唔多適合你,但呢度可以教到你有系統地刨馬, 如果自己巳有一套方法, 但成效未夠顯著, 咁呢度所教既方法相信可以互補不足, why not唔試下呢? 究竟係你套方法唔得?定係只欠些少呢? 事實亦有會員如此做法, 樓上位大師兄巳經親述了, 就係因為要贏$, 一個機緣巧合既情況下, 我於某賽馬論壇認識到老師drhorse, 即使幾忙都參與當時drhorse所統籌既蝕位馬班, 學到既野絕對唔係個個肯講肯教, 而且亦跟隨到現在

對於我黎講,今季新加既五項評的確係最基本方法去刨一場馬, 但要我一個人做哂所有study係冇可能, 呢度可以幫到我係慳番d時間,因為大部份巳經有會員代勞, 當然, 對於有時間既你, 絕對值得用心學習, 因為有付出先有成果, 而且係成正比既, 多參與便會多得著, 亦因為五項評方法, 來季呢度巳經變成一個關係更緊密既團隊, 而且團長drhorse更不斷嘗試新方法, 務求令團員挖金越挖越大桶,好期待呢

請緊記賭馬係為左贏$, 唔係為左賭$, 更加唔係為左倒$落海

.....如果你只係跟tips買no.(不論你睇邊份馬報,forum,跟老友), 咁你同倒$落海冇乜唔同, 而且你永遠都唔會明點解隻馬會輸, 要改變呢度可能係一個機會, 萬勿錯過

[ 本帖最後由 pekopoko 於 2011-7-20 16:59 編輯 ]

作者: 江仔 時間: 2011-7-21 02:24

週不時聽到身邊的同事 / 朋友講 : [2,3 星期我又賺咗幾千蚊啦]
[咁你用幾多本先] 我問
[幾萬囉] 佢答
[........] 我心諗, 我用幾百蚊隨時中場馬都執幾千啦!!

究竟賭馬係咪真係咁易中先!? 有人或會話, 偶然好彩比你買中啫!! 但相信上季各 member 都見識到我們某啲師兄的厲害之處, 經常有 $$ 執, 咁即係話賭馬唔係搏 "符碌". 相反, 係有數得計架~
遠既唔講, 就用煞科日做例 :
R2) 14 皇仁勁駒(十幾賠 W) : 對上 2 場好差喎, 點解會贏架! (member 會答 : 有隱形Q, 走位圖預守好位喎)
R3) 9 勁辣椒 (廿賠冷Q腳): 成季無表現啦喎, 啱啱轉倉睇場先啦. (member 會答 : 最蝕 blue 喎, 拖多票無妨)
R4) 11 領彩 (近十賠 W) : 近仗好似得個近字啫, 得唔得架? (member 會答 : 佢係蝕位馬, 上場走外疊亂跑架, 有隱形W)

呢啲大多數都係賽前一日已知道其優點所在, 唔駛臨場又睇這又睇那, 結果買唔切收場. 以上的知識全部都會係呢個馬迷會得到, 且不過是冰山一角例子, 仲有好多唔同類型的度馬方法, 都喺呢度學到.
我今年第一年做 member, 既識到一班意向相同的戰友, 亦有整套學說的始創人 DrHorse 的悉心敎學, 及會引導我們改變以往一啲非正確的賽馬觀念, 實在獲益良多.

暑假期間, 更見大家馬不停碲的為下季作好準備. 正所謂 : 功欲善其事, 必先利其器 ! 相信新季大家必定有更好的收獲 ~
共勉之

作者: LKH 時間: 2011-7-21 20:43

當初我加入駿薈的原因是因為被Dr的隱形票所吸引的..

當時..覺得隱形票很特別..不止本地賽事有..甚至越洋賽事都有..重要的是有一定的命中率..

但現在我最為尊敬的事是 Dr 會不斷開發新的東西..除舊立新..

y+b .. 5項 .. 到目前最新的中段飛..

在Dr's 教導下..從5項中..讓我感到投注馬匹的信心..

Dr .. 很高興可以認識到你..可以向你學習..

因為我都相信有系統地投注賽馬..真的可以改變自己的生活..當作一盤生意..

而正正因為你的教導..大家都可以向這個方向前進..

希望日後可以和你同大家一齊拍住上..

Thanks Dr..

作者: sxaxm 時間: 2011-7-21 22:15

+入左有2年到...
未入之前...都係用馬名買...即係次次賭運..
而家跟DR同大家...真係有數據,理由去買馬..
有新既方式去買馬..

....
同埋DR真係好野...會係咁扑迎方法,
去提高中既機會...
E樣係我好尊敬...
唔會固步自封...
今後都希望DR 發現多D唔同新方法比大家..

期待下季..
當然...自己都要做下功課既..上年我真係太懶..今年要有所改變下...

作者: seblam 時間: 2011-7-25 00:50

想問問如何加入馬迷會及學習研究，謝謝

作者: 亦先生 時間: 2011-7-25 11:28

引用:

原帖由 seblam 於 2011-7-25 00:50 發表
想問問如何加入馬迷會及學習研究，謝謝

ask DrHorse or PM him

作者: seblam 時間: 2011-7-25 11:33

引用:

原帖由 亦先生 於 2011-7-25 11:28 發表

ask DrHorse or PM him

Thanks , .....but 我係新手，PM唔到

作者: 亦先生 時間: 2011-7-25 11:55

引用:

原帖由 seblam 於 2011-7-25 11:33 發表

Thanks , .....but 我係新手，PM唔到

OK, let me give u a hand.......

作者: seblam 時間: 2011-7-25 20:15

引用:

原帖由 亦先生 於 2011-7-25 11:55 發表

OK, let me give u a hand.......

Thanks a lot...

作者: DrHorse 時間: 2011-7-25 23:33

Hi, Just come back from outside and sorry for late response.

作者: DrHorse 時間: 2011-7-25 23:35

Mr. Seblam ... 我 send 個 "test" pm 給你並嘗試回覆我便可. 應該沒有問題的.

作者: DrHorse 時間: 2011-7-26 15:25

Thank you very much from our members. 慶幸無乜踩 o者 !!!

本人想在此作一個簡單的總結和展望 :

本馬迷會剛成立一週年, 雖尚算是在一個很迫切的情況下而誔生, 但多得各位會員不離不棄, 鼎力支持和協助, 使之能逐漸建立和成長起來, 十分感激.

宏觀現今大部份的賽馬論壇, 不是在等看心水或貼士的, 便是各自各投注, 賽後鬥耀武揚威一番, 完全失去了齊齊贏錢的喜悅. 正是賽後見人贏馬就 "拍拍手", 自己卻 "口糠糠", 實在一點意思也沒有. 我們不是要這樣的 ...

我們是馬迷會, 自然是「目標為本, 贏馬至上」. 這裏是一個完全屬於會員的私人天地, 只要不談宗教政治, 不講粗言穢語, 不作人身攻擊. 最重要是, 我們會以身作則, 絕不「講一套, 做一套」, 絕不「只許洲官放火, 不許平民點燈」. 我們是這樣的要求 ...

我們已慢慢建成團隊, 有負責不同環節的小組, 有組長帶領, 亦有團長在背後加以協助. 雖然這當難與專業集團比較, 但肯定是 "各在其位, 各施其材, 各善其職, 各謀其事, 則大事可成 !". 我們是這樣的充滿信心 ...

我們將會是真真正正, 能達至齊齊贏錢, 全港唯一成功的馬迷會. 我們是這樣的展望 ...

Thank you.

DrHorse

作者: 山埃博士 時間: 2011-7-26 18:56

一個論壇的[宗旨]至為重要，
團長有過人的[凝聚力]乃先決條件，
當然[功力成績]亦最佳吸引之處，
Dr.兩者兼備必成功在望。

祝
駿業宏開
一本萬利

[ 本帖最後由山埃博士於 2011-7-26 18:58 編輯 ]

作者: airbus380 時間: 2011-7-26 19:08

恕小弟俾d愚見,

用齊dr的所有工具靈活使用,確實可以贏到錢,

問題是如何賭, 如何忍....

老實說,加入此會後,金錢上沒有很大的得益....也有強烈訊號告訴自己,此會是騙人,理論是自圓其說

因為我中招輸錢的場合都是大家頗有信心而大家都中招的

相反,是知識上的提升,明白馬事如世事,惟有思維成熟才可以有贏錢的能力

其他網站沒有這些framework, 又唔識什麼職業集團,

係呢度尚有一個知識平台, 以理性科學態度刨馬...

年費, 我一定同你講, 貴!

但與其付出在什麼投注樂自己刨, 不如學下d高人(如dr, jk等等...)如何用他們的思維贏錢

故此仍繼續留低...

自問我都係蠢人, 惟有將勤補絀....

這2年真的思考有進,大家努力吧!

作者: 山埃博士 時間: 2011-7-26 20:49

若然當一個課程，政府又認可，申請自學津貼就發喇！

作者: DrHorse 時間: 2011-7-27 01:53

引用:

原帖由 airbus380 於 2011-7-26 19:08 發表
恕小弟俾d愚見,

用齊dr的所有工具靈活使用,確實可以贏到錢,

問題是如何賭, 如何忍....

老實說,加入此會後,金錢上沒有很大的得益....也有強烈訊號告訴自己,此會是騙人,理論是自圓其說

因為我中招輸錢的場 ...

airbus 兄, 首先多謝你的意見, 既然你選擇留低, 那對馬迷會有甚麼建議或要求, 不妨直說.

另外, 小弟對於 airbus 兄的某部份指點需給予回覆.

1. airbus 兄是於 Yr 2009 - 2010 年度加入本會的. 常言道 "時間可以証明一切". 若 DrHorse 之理論全是掛羊頭賣狗肉的話, 本會上季也應早已散檔了. 許多與小弟共同進退了 3 年, 4 年的如 jk, 鍾聲兄, 等, 仍在不斷地贏錢, 又繼續續會, 下季更晉升為 team leader. 否則, 個個早已去如黃鶴.
2. 賽馬無必勝, 即使重心賭十場也不一定能全中, 但只要能維持命中四至六成而又因應賽馬有賠彩率, 肯定已能立於不敗之地.
3. 你所指中招輸錢的場合都是大家頗有信心而大家都中招的. 那仍有些同樣是大家亦頗有信心而大家都中的呢 ? 若以全季來計算, 大家都中招的多, 還是大家都中的多 ??
4. 年費平貴與否實在難下定論 as 你也知道有會員說 "抵到爆". Just simply say, 若用同一個價格 in everywhere 絕對得不到於這裏可獲取到的一切. 有的話, 就請你告訴我吧.

作者: DrHorse 時間: 2011-7-27 02:35

大致上, 平均每個月幾百蚊有幾多野, 大家也先可心中有數 :

1. DrHorse 的三大贏馬工具 :
- 賽事模式法資料.
- 蝕位馬名單, 及由專責睇帶小組跟進和評核每次機會.
- 隱形票 (連全季海外賽事).
2. 各場全面剖析及提供, 由各專職團隊負責.
3. 臨場提供簡易睇飛程式列表.
4. 所有賽事賽後睇帶報告, 由 DrHorse 主理
5. 賽馬教學, 賽前問馬, 賽後檢討, etc ....
6. DrHorse 不定期提供冷門心水. 例如 : 生生發

不是誇口, 上述中的任何一部份也值這個價錢綽綽有餘.

同時, 亦誠心建議有興趣的朋友越早參加越有好處, 一則可出席九月初的飯聚, 二則可盡量利用暑假期間去了解專區內的 many many 帖, 否則待開季後才慢慢睇便失了先機, 況且到時贏錢揾銀要緊, 亦恐怕不能騰空太多時間逐一講解.

作者: coffee 時間: 2011-8-4 07:02

好一個成功的學府。
學生各有所得，老師充滿熱誠和知識豐富，打造了團結一致，上下一心的一個隊伍。
小弟與你有相似理念和方向，惜小弟對賽馬認識不夠淵博，只懂操練獨孤一味。

我們的做法一點也不同。
我是一個organizer俱多，結集了各路人馬發展自己項目，再嘗試集大成來取膽搵腳，再交予我們的math佬計算投注。
你是一個professor，傳授一套全面教學予子弟，改變他們的錯誤思維，讓他們各展所長。
我們的不會公開，因為絕大部分結果也是經過實際數據和分析得來。活躍分享的也只是一小撮人。
你們的不同，可說是每人也有相似的方法和概念選出心中馬。眾樂樂是也乎！內聚力和感染力強，打造了一個勝利者的平台。欽佩欽佩是也乎！

其實賭馬最能驘錢最關鍵不在選馬而是在於忍！
如果可以做到Dr Horse有理論，有實踐，有忍耐，在馬場賺錢也是必然。

我們經過一論檢討，來季也充滿信心。
望來季此論壇繼續發光發熱！

[ 本帖最後由 coffee 於 2011-8-4 07:04 編輯 ]

作者: DrHorse 時間: 2011-8-4 11:57

引用:

原帖由 coffee 於 2011-8-4 07:02 發表
好一個成功的學府。
學生各有所得，老師充滿熱誠和知識豐富，打造了團結一致，上下一心的一個隊伍。
小弟與你有相似理念和方向，惜小弟對賽馬認識不夠淵博，只懂操練獨孤一味。

我們的做法一點也不同。
我是一 ...

Thank you. 條條大道通羅馬, 只要能各施其材, 各善其職, 則大事可成.

作者: devilfire 時間: 2011-10-22 01:39

睇哂之後,只要一個諗法
快D到下季重新收會員啦

作者: DrHorse 時間: 2015-6-1 01:55

http://www.drhorsehk.net/bbs/vie ... &extra=page%3D1

引用:

原帖由 chileungc 於 2014-7-11 21:28 發表
新會員感想
今年第一年在dr及其他兄弟幫助下,中了一條過萬元的連贏,而會費也早早贏突,真的喜出望外,但最意想不到的是認識了dr,跟他補了幾次課,發覺他真的是想你贏馬會錢,當賽馬做兼職,怏快去退休,享受生活,今年我會參予更多,投入更多,用大師兄新招,造到每個賽馬日都數$$$

作者: bc101 時間: 2016-5-14 23:33

我和 buejai 兄一樣都是因 leo 所以識得黎到這裹,,
本來賭馬我是一個只跟貼士買的人唔會諗點解要買這隻馬

加入佐Dr horse 的團隊後(現在是初學生) 先知道可以有一套理論和數據可以預計賽果,準確度真係好高,,我自己雖然是初學者但有時都會大概知道邊d大熱門會有疑點,會輸的,已前是唔識的 ,thank Dr n 師兄們,
加入 Dr 的團隊要分工合作有蝕位馬名單小組, 賽後評小組,五項評小組,突閘小組.等每人都要為團隊出力
我都是負責做5項小組(學習中) 雖然成日都做錯,但 dr n 師兄們都會作出提點,從中真係學到好多野,有幸 dr 今季肯收我地 d 新成員
我會努力學習,同review 錯誤希望可以為團隊作出更多貢獻

我都好有信心之後贏錢機會會愈來愈多,

努力學習,努力贏錢,加油!!

作者: Buejai 時間: 2016-5-14 23:50

來了這網接近1年多了, 當初為了談生意,常常去馬場食飯傾野. 為了同班客岩傾就上網去搵下D人點去刨馬.
之後就搵到依個網? 當然唔係! 我在DISCUXX 論壇中見到一個神, 現在人人都以其為指標的燈神LEO.
之後既野…大家都知道. 令我識到這裡.
再認識到, 坐係度等TIP係無人會餵飽你的, 唔知點解嬴點解輸.

直至加入了DR的團隊, 原來賽馬是可以有根有據去預知賽果. 定立了RULES, 再經分組去刨馬的賽績, 馬的當場的箏勝條件,最後再看飛數去加減注.
一開始都係唔識混用咁完善既模式去刨馬, 更加唔識點樣答DR教導既問題.
全因”個人意願”太多.
現在負責其中一場的”5項表”, 在做的過程有很多不明白不清楚不肯定, 從一開始錯了9成, 到成功中了Q, 當中失誤很多, 而各位師兄都很不嫌其煩地提點.
多謝DR, POIUY老師,亦老師,勝哥,朗哥,平凡兄,及各位師兄弟. 我會努力REVIEW錯過的,不會錯同樣的錯.

我相信很多師兄弟加入了1年之後應該可以靠自己學到既,靠這個網點完善的方法去嬴到你努力得到的. 而我就要努力搵多D奶粉錢.

我相信之後嬴既錢會愈來愈多, 因為大家都相信依套野, 大家都用依套野去刨,去分工.

努力!加油!

作者: Prettybean 時間: 2016-5-15 05:26

我同其他newbies都係因前速噴射既里奧認識到駿薈馬迷會,初做咗會員時,無意間睇到dr既舊post,細閲下發覺言之有物,好有興趣,當時已問dr點入會,因為想睇埋其他post,其後dr舉辦咗一個講座,雖然只有一個上午,但短短一個上午dr已教了贏馬方法,係一套好有數據化和系統性既方式,令我更加有興趣,幸運地,dr收了我這個做特級會員
初做特級會員,暑假期間日夜追dr既post,當然齋睇吸收唔哂啦,其後dr俾機會我哋newbie做5項,蝕馬,睇閘小組,我便加入了5項小組,因為唔實習靠睇係冇用既,唔付出冇收獲,初時做5項,錯漏到爆,因為自己又放唔低自己唔得嗰套,資質又差,好彩dr同思琳師傅唔怕我蠢同煩成日指導我,慢慢開始掌握到,當然到依家仲有錯啦,不過我真係學到嘢,知點解輸同點解赢好重㗎！,以前買馬冇系統靠感覺,係dr話我聽贏馬係可以有方法,有系統,同埋買馬係為贏錢而唔係為消磨時間,唔好為賭而賭,依幾句對我好有啟發性,咁多newbie當中我資質最差,多謝dr,思琳師傅,其他師傅,大師兄,平凡兄,其他師兄教導,依度擁有一個好有效率既團隊,各小組一環扣一環,充份發揮團隊精神,而dr既功力更深不可測,整個系統堅掂！依D係成個team無形既資產,我興幸是其中一份子,希望我可以繼續進步,大家加油努力！贏錢一季比一季多

[ 本帖最後由 Prettybean 於 2016-5-15 05:29 編輯 ]

作者: poiuy 時間: 2016-5-18 10:24

呀....原來我冇寫過

小聲:: Dr 話有貼飛有分加.

作者: ryan 時間: 2016-5-19 15:08

引用:

原帖由 poiuy 於 2016-5-18 10:24 發表
呀....原來我冇寫過
小聲:: Dr 話有貼飛有分加.

你寫另類故事law......ccccccccccccccccccccccccccccccccccccccc

作者: poiuy 時間: 2016-5-19 15:35

引用:

原帖由 ryan 於 2016-5-19 15:08 發表

你寫另類故事law......ccccccccccccccccccccccccccccccccccccccc

作者: Ecdb2917 時間: 2016-5-29 16:22

我想讚吓自己先。決定加入本會，我被受妻兒質疑，但我相信自己無睇錯。在本欄的文章內領會到這團隊的真誠，以事論事，而DR所訂之會章，如版面要干淨，不渉政治........等等亦帶來專一評馬、賭馬、贏馬的樂趣，所以加入。
加入後發覺我所觀察的與事實一樣，各位師兄亦好照顧新人。
雖然我賭馬已有幾十年，但以往一直只用感覺、陰謀論及所謂有飛馬去賭，每年埋單唔使講都知正如DR所講嘅大部份馬迷的結果，做了別人的點心，相信亦是DR及其團隊的點心。
加入後自知對賽馬知識尤如初生嬰兒，一直唔識，DR及各位師兄有教，但自己刨馬錯完又錯，又無覆檢，跳唔出自己個人意願框框，季初至中段無法上手，輸的多。又唔敢問(怕瘀) ，只是自已閉門做車。其實DR嗰套勁得，只是自己未有心裝載、心散，如緊記及緊隨必能得心應手，大膽講句贏馬話咁易，當然係長期計數位啦。到季尾，經DR團隊指出錯誤及更正，現只有少少掌握，卻能短短幾次賽日追過所有負數，一曰內十塲中六場Q，自已都唔敢相信！但自己在輸的塲合，在覆檢時發現如緊隨DR既定原則做，又可大多中噃。
其實DR套賭馬方法係有理論及有科學計數事實佐證，並不是空泛之談。希望自已能多領會，不負DR及眾師兄的指導。
當然本會亦有可改進及更上一層樓的空間，那就留待主理人去發揮吧！不過本會如把持既有宗旨，我相信這是一個開心賭馬的樂園。

作者: 亦先生 時間: 2016-6-2 14:32

學野要持之以恆；如果自己叻嘅就唔駛學
感謝Dr耐心教導。其實一路以來佢教揀馬嘅方式都無乜變過，唔中都只係自己用另一啲方法投注；
賭馬係可以有系統的；亦可以用小啲本博取更大利益；
大家不妨試試

[ 本帖最後由亦先生於 2016-6-2 14:45 編輯 ]

圖片附件: ScreenHunter_3.jpg (2016-6-2 14:45, 17.96 KB) / 該附件被下載次數 2435
http://drhorsehk.net/bbs/attachment.php?aid=50706&k=072cfaab2a5c78db96be87878997aff3&t=1713948337

作者: DrHorse 時間: 2016-6-3 16:11

其實你地已破了我 2009 年的記錄 ... P4x1 : 175 倍. Now P5x1 : 354 倍.

圖片附件: 2009.jpg (2016-6-3 16:11, 19.33 KB) / 該附件被下載次數 2451
http://drhorsehk.net/bbs/attachment.php?aid=50718&k=d4813d82c82c1d6aad23579558db3e0c&t=1713948337

作者: DrHorse 時間: 2016-6-13 17:32

引用:

原帖由 亦先生 於 2016-6-2 14:32 發表
學野要持之以恆；如果自己叻?就唔駛學
感謝Dr耐心教導。其實一路以來佢教揀馬?方式都無乜變過，唔中都只係自己用另一啲方法投注；
賭馬係可以有系統的；亦可以用小啲本博取更大利益；
...

用系統以小本博大利還可以有很多策略 : 呢種嘛耐唔耐中也不錯啊 !

圖片附件: DrHorse_03 Jun. 13.jpg (2016-6-13 17:32, 15.66 KB) / 該附件被下載次數 2360
http://drhorsehk.net/bbs/attachment.php?aid=51091&k=9f92321a50520f715ad069f2d44f637a&t=1713948337

作者: DrHorse 時間: 2016-6-22 23:49

熱熱地夠玩 20 次.

圖片附件: DrHorse_37 Jun. 22.jpg (2016-6-22 23:49, 14.78 KB) / 該附件被下載次數 2792
http://drhorsehk.net/bbs/attachment.php?aid=51423&k=52c1779d1e7a88cd81b0d25ce280aa72&t=1713948337

作者: DrHorse 時間: 2016-6-26 17:32

引用:

原帖由 DrHorse 於 2016-6-13 17:32 發表

用系統以小本博大利還可以有很多策略 : 呢種嘛耐唔耐中也不錯啊 !

系統策略以小本博大越洋賽一樣得.

圖片附件: DrHorse_38 Jun. 26.jpg (2016-6-26 17:32, 15.68 KB) / 該附件被下載次數 2759
http://drhorsehk.net/bbs/attachment.php?aid=51531&k=b7a2f09df82e1b9a06c0fd673efe5d26&t=1713948337

作者: yinsiu 時間: 2016-7-11 17:07

大家都係男人, 肉麻野唔講咁多喇... 不過都要講句多謝俾DR &各位師兄

我之前淨係買波, 後來2013年先接觸馬仔, 好記得有一日仲係X討見到LEO哥D tips隻勇創潮流, 果日用左成千幾蚊串埋曬佢D馬每場2-3隻買左條6環嬴左40個…慢慢開始就中意買馬喇… 有嬴有輸喇之後, 佢出咩就買咩果陣, 都冇諗咁多… 後來佢話要收錢仲叫左我去MK間café到聚同埋搬左黎依度出料, 我先知有依個論壇, 之後9月尾仲pm Dr問佢點解入唔到 “特選會員專區”, Dr回覆話本季付費名額已滿, 先知原來有分別, leo 之後點大家都知…. 2014果季就左跟D右跟D咁樣

等左一年終於join到會員plan, 原來有咁多野學, 我真係唔知本身, 後來慢慢加入5項小組學野, 有中有唔中喇, 有時review下, 覺得自己仲係差左D經驗, 方法都大慨知道, 希望來年仲有機會係條team度付出, 幫自己同時幫大家達成目標

當然尋日隻隨心隨意, 都係我其中一隻好中意既馬, 多謝Dr & 志良哥, 有次佢係寶仔誇下跑第3, 我都有買QQP, 今次嬴埋真係開心… 飯局再見喇

作者: I'm阿朗 時間: 2016-7-13 01:06

廣闊視野重新認識賽馬世界

“跑馬並唔止係跑實力，最重要喺跑形勢 . . . . . . . !” 好記得呢句話係DR.跟朗朗分享賽馬投注心得的第一句。

朗朗想分享下自己的經驗和入會前後心態上的轉變。

『今日有乜野貼士先? 』呢句係自己三年以前o既口頭嬋，從前因為工作上關係，在過去9年時間往往有機會接觸到一大班所謂賽馬業內最前線人士，練馬師、助手、馬房助理、騎師秘書等一大班，當然還有馬主、馬主親友團等等，內幕消息之多可謂源源不絕，要幾多有幾多，再加上朗朗的公關人際網絡，感覺上 . . . 自己真係好似非常之貼近內幕消息和堅料，無錯! 的確係感覺上。

贏就興奮、輸就氣憤，呢D係我和身邊一眾老闆對所謂內幕堅料的一貫反應! 輸了? 下場再買過吧，反正內幕堅料多的是，no problem!!  從來無去理會點解贏、點解輸，輸咪喺唔好彩無運、搏輸咗 or 太熱無分頭唔去馬囉!  當中到幾場冷QQP就講足成季，甚至幾季，只記得贏唔記得輸，心態上和一般普羅馬迷完成無分別，可能比普羅馬迷更普通，分別可能只在於我買得比他們多一點點吧。以前馬匹對我來講從來只係一個數字，可以講得出的馬名也不超過 4 隻，甚麼路程、檔位、負磅、操練等從來沒有認真研究過，步速形勢對成場馬?影響有幾大更加不用多說，甚麼前領後追馬、跑道形勢等這些對自己來講都可以話係天文學，知道係乜不過就唔知道點解。

7 年時間浮浮沉沉，所謂的內幕堅料亦有贏有輸，本著『只要信不要問』的精神，時間花了但結果唔理想，心裡也認真地想過要放棄，因為根本算不上是贏錢的秘方，感覺真的有點失望。 2年多前在機緣下認識了DR.，由於自己是健談的類型，很快就和DR.談到我自己的投注方式和經驗。聽完朗朗的分享後，DR.亦客氣地笑說內幕料不一定唔準和無根據，不過都要自己再評下度下先可以跟進 (現在回想起當時DR.個樣佢根本係在笑鬼我) !!  而我亦老實不客氣地開始向DR.討教對賽馬投注的心得和睇法，一句“跑馬並唔止係跑實力，最重要喺跑形勢”，果一刻突然令我有重新思考賽馬投注呢個游遊戲的想法，亦令自己認真地去檢討從前的投注方式和策略。

玩咗7年其實自己仲係一張白紙，對賽馬世界的知識原來非常缺乏，雖然自己經常出入2大馬場，但只係盲目地去跟買所謂內幕堅料、追買頂頭大熱門等，完全收風派，諗翻起都覺得自己有點笨!  可能DR.不忍見到朗朗常被人老點，又可能係出於仗義，DR.開始教授我一些基本的評馬和形勢分析方法，幫我重新去建立一些必要的基本功夫，過程都有好一段時間，原因係我呢張白紙的確非常的潔白 (DR.講的，雖然我唔太想認!)。說來話長呢D都係成為特選會員前的往事，但DR.對我來說可以講係賽馬的啟蒙老師，自己亦心存感激。

其實在成為特選會員前還有一段小故事，而亦因此呢件事，朗朗後來便下定決心要學習更多有關賽馬投注的相關知識。 2014年11月的某個夜馬賽日前一日，我老闆又收到本地某某某練馬師 (簡稱佢做吉王 . . . 運吉王 ) 的消息，話佢隻 XXXX 今次贏面好大，而且賠率非常不錯，叫我老闆可以放心買多小小，我老闆當然第一時間和我開心分享啦，大家興高采烈地商量準備如何出擊。當日晚上我即刻打電話俾DR.，因為又想同佢開心分享下呢條堅料，對話如下:

朗朗 : Hello DR. ，我老闆今日收到吉王消息，話佢隻 XXXX今次 sure win 呀!  有成11倍呀!
DR. : ?!  XXXX ?  哦! 聽日開跑應該起碼有2X倍
朗朗 : 咁正! 點買好呢?
DR. : 我唔會買囉
朗朗 : 點解呀??
DR. : 上次 B跑道5檔後上返來都輸 4個幾馬位，今次C跑道排11檔可以大變身? 唔值得相信囉!
朗朗 : 吖 …………

(之後內容係一些技術層面和形勢分析，不作詳盡講解了)

到了賽日晚上，上到7樓見到吉王其中一名得力助手 (簡稱佢做吉仔. . . 運吉仔) 和我老闆細聲講大聲笑，高興非常!  吉仔見到我當然又係同我推介 XXXX 啦，由於早一晚也做了點功課，再加上DR.已經分析過 XXXX 當晚的形勢，於是朗朗就老實不客氣咁對吉仔講述自己對 XXXX 的睇法 (只係將DR.同我講野再講多一次，哈哈!!)，朗朗愈講愈自信，愈講愈大聲，而我老闆亦好似好認同我睇法，攪到阿吉仔面有難色，最後佢只留低一句『信就買小小啦!』就閃人了。開跑前5分鐘，XXXX 有28倍，最後落到20倍，結果 . . . . 都一樣係輸到無影!  我老闆賽後即刻讚我有眼光，分析得有文有路，幾有水準!  (原因係佢聽完我講後買小咗好多好多)  當晚我突然覺得自己高咗、有型咗、專業咗，而且仲充滿自信添!  自己亦初次感覺到對賽馬活動有一小點成功感和滿足感。在不久之後更正式拜師DR.，成為佢門生之一。

有幸成為特選會員後，感受和其他師兄弟的分享大致相同，自己覺得和從前最大的分別不單是因為對賽馬世界的知識和認識多了，而是學習到更精明的投注方式和注碼運用的技巧。其實很多朋友以為只要成為駿薈的特選會員後便一定能獲得大量DR.的心水貼士，以後唔洗再自己刨馬了，我可以老實地告訴你 . . . 『冇!』，大家可能覺得好奇怪，冇貼士咁點解仲有咁多人要入會呢?  哈哈!!  這正是精要所在了。

最後要再次多謝恩師DR.，以及一眾特選會員師兄的心得和分享，他們的經驗之談和對朗朗的教導，我可以用四個字來做總結 - 『畢生受用』。

[ 本帖最後由 I'm阿朗於 2016-7-13 12:05 編輯 ]

圖片附件: 20160710_R11_a.jpg (2016-7-13 01:39, 34.76 KB) / 該附件被下載次數 3343
http://drhorsehk.net/bbs/attachment.php?aid=51918&k=d7018882bf6eb9916065ba088384f0f8&t=1713948337

作者: Boray 時間: 2016-7-17 14:07

首先在此感謝Dr.和各師兄上季的工作及分享, 相信大家都有收獲吧!

以前在馬会工作, 有幸認識認識到一些馬主, 馬房工作的同事, 好自然地賽馬日都收到一些內幕貼士, 有D貼士重話練馬師實牙實齒話好大機会, 馬主重訂哂枱叫埋一大班朋支入場拉頭馬, 甘我都吾執輸啦, 大大注車落去, 結果………….換來馬主賽後一句說話: “練馬師話下次跑出好分D呀!” 自此对賽馬產生興趣, 亦相信可以羊番之前朱嘅, 但其實都冇去諗下一隻馬究竟贏啲乜朱啲乜, 入會前每季都只係賭運……結果咪倒錢囉!

去到前年在香討睇到伯伯個post好神, 成日貼中冷門, 跟住伯伯到了这裏做普通會員, 睇到呢度Dr.有好多賽馬posts分享佢既羊馬心得同方法。之後2014十月重見到特選會員中到隻六百幾蚊W嘅麟轉乾坤, 而後來果季Dr.放公海D謎語好多會友都跟到及中到應一應, 甘我估Dr. 應該有一些方法去計算同分析。所以知道Dr.話上季收特選會員便立刻申請, 睇下Dr.究竟典樣去揾D冷馬出黎同羊$…..

入左會後參加左Dr.响八月分舉行2015 - 2016 年度賽馬研討會, 聽左佢分享賽馬心得同羊馬方法(其實聽完明嘅只係好片面, 要在短時間在內消化及掌握Dr.十多年嘅賽馬心得以自己的資質冇可能吧) 。其實入左会之後, 好開心識到一班newbies及師兄們增長賽馬知識, 亦慢慢學識怎去使用Dr. 用黎分析賽馬及投注嘅一套工具。 Dr. 開季後亦無私抽出自己時間同我地newbies補課, 希望我地盡快掌握贏馬方程式(其實Dr.教識愈多人佢地咪羊少左??) 雖然自己上季因私務冇參予任何團隊工作, 但亦在此再一次感謝Dr., 各師兄同newbies既教導。好担白講入左會先知原來自己有幾井底之蛙, 玩左甘耐原來係吾識典刨馬, 中就好彩吾中就應該! 每次補課先發現原來重有好多野吾識加吾知, 所以每次見到Dr. 及師兄們响賽日posted "Yes" 或 ”數$$” 也很葡萄! 不過亦明白到力不到不為財吧! 自己有沒有學會賽後檢討及反思典解自己吾中呢!

希望下季可以繼續跟Dr.及各師兄學野, 當然自己亦要做好自己嘅time management, 領悟更多Dr. 嘅羊$心得及方法。

最後祝駿薈及大家新馬季更上一層楼!

作者: DrHorse 時間: 2016-8-14 16:15

筆者約在 20 年前才開始接觸賽馬. 那個時候嘛, 當然是受了魔鬼的誘惑 ... 當時,
我對賽馬的感覺是 : 一個難以掌握的賭搏遊戲 !
自 2008 年起辭工轉為全職賽馬人後直至今天呢 ...
我對賽馬的總結是 : 一個穩定收益的投資工具 !

為何賽馬投注活動總是會給人一個難以掌握, 難以贏錢的印象呢 ?
不難理解丫, 馬匹既不是由馬迷去練, 又不是由馬迷去騎, 更不是由馬迷去決定出擊步署, 一切一切都係靠估似的.
除此而外, 長久以來, 輸錢的人佔上絕大多數, 甚至所謂專業的評馬人們全季計也多是輸錢收場的, 更枉論各位業餘的普羅馬迷吧.

既然如此, 又點可能變為一個穩定收益的投資工具先 ?
好簡單, 只要去改變過往輸錢的選馬 / 投注策略便可 ! 只不過, 十居八九都不會認為自己的選馬 / 投注策略有問題, 因為其中方法一定幫你贏過錢. 而輸, 亦深信只是偶然輸運氣罷了.

這個 "會員感想和得著分享" 帖子首發於 2011 年, 當年目的是想藉會員的經驗去告訴大家, 是可以有一套有系統和有成效的選馬和投注策略, 請把握機會.
那麼, 5 年後的今天, 眾多新會員再為本會寫感想嘛, 目的就是給過去 5 年一直在觀望本會的朋友們, 一直在懷疑本會是呃人的朋友們一個交代.

作者: joepang1155 時間: 2016-8-23 17:37

http://www.drhorsehk.net/bbs/vie ... &extra=page%3D1

非會員學後感想, Edit by DrHorse.

作者: airbus380 時間: 2016-9-28 14:40

遲來的一篇感想....

做了DR的會員已7個年頭

當初加入只是由一個小飯局開始
後來才當會員
這7年的變化很大
由初初只係有PATTERN,到宜家有TABLE有蝕位馬,賽後評,五頊,試閘..
系統已經很穩固

基本上我只買3 4班中距離,找到"1"隻膽
無論係G1膽或NG1膽,總之膽係到,基本上很大機會已中到Q

而且只要係POST入面找到提示,我連績都唔洗刨.(因為賽後評等於刨績)
以前會買賽績版,但好似愈睇愈唔通,又多字..
宜家,睇賽後評,加埋步速..一目了然,諗少好多野

這一兩年幸好有本有利,都要靠各兄弟分工合作,才達到這目標

希望繼續努力(睇閘).

再次多謝DR及各兄弟,祝各位嬴更多更多!

作者: huangbu 時間: 2017-7-10 20:20

引用:

原帖由 I'm阿朗 於 2016-7-13 01:06 發表
廣闊視野重新認識賽馬世界

“跑馬並唔止係跑實力，最重要喺跑形勢 . . . . . . . !” 好記得呢句話係DR.跟朗朗分享賽馬投注心得的第一句。

朗朗想分享下自己的經驗和入會前後心態上的轉變。

『今 ...

广告味重的枪手文章

作者: huangbu 時間: 2017-7-10 20:24

引用:

原帖由 yinsiu 於 2016-7-11 17:07 發表
大家都係男人, 肉麻野唔講咁多喇... 不過都要講句多謝俾DR &各位師兄

我之前淨係買波, 後來2013年先接觸馬仔, 好記得有一日仲係X討見到LEO哥D tips隻勇創潮流, 果日用左成千幾蚊串埋曬佢D馬每場2-3隻買左條6環 ...

Leo那家伙也不是好东西

作者: DrHorse 時間: 2017-7-10 20:42

其實成個帖的廣告味都好重.

朋友有跟 LEO 心水買過馬仔嗎 ?

作者: Ecdb2917 時間: 2018-7-23 11:57

35年的行錯路

38年來我一直都有賭馬，可謂年年進貢，輸到PK。話說3年前加入特選會員，經過2年的學習及段練，第一年已因學到什麼才是叫做刨馬而令小弟收支平衡。第二年更是有所斬穫。第三年因自己工作上的時間分配不了而未能再續會。但加入特選會員所學到的賭馬理論及智識仍大派用場，仍用DR 個套勁得的方式賭馬，加上自己更熟習投注方法，今季業積持續增長。
小弟由以前完全唔識乜嘢叫做刨馬及輸到PK的情況，可在加入做特選會員後360度扭轉。究其原因，都是拜DR的教導及無間運用及修正。但好奇怪的是，觀感上在此平台並不是那麼熱烈及多人追捧，卻在坊間會有好多什麼什麼贏錢贏到開巷的文貼，大把人趨之若鶩，願意比頗大金額取貼士而不自己去真正磨練一下自己的刨馬方法。所謂一分耕耘，一分收穫。自己能分析每塲賽馬應否投注或是怎樣投注才可致勝，才是王道吧！看官的你又應怎樣來應付來季的賽馬呢？
雖則特選會員名額有限，亦相信多數已滿。但如各位能在此平台多發言及查詢，相信DR必多加指導，到時各位也可得益吧。我也很懷念DR迷語圖的貼士呢！
講了咁多，好似賣廣告。但我只想講一講我的感受及藉此多謝DR設立這平台，更多謝DR過去曾兩年的教導。我並無在我一眾賭馬的朋友們前丟架，扭轉35年來行錯的路。

作者: jordon1866 時間: 2020-7-30 03:19

轉眼間原來已經加入了馬迷會兩年, 自己本身不知不覺間原來亦已經賭馬近20年, 其實聽說了drhorse這個名字十多年, 不過從未有過深入認識, 直到兩年前先喺機緣際遇下加入了馬迷會, 並且對dr.有更深入的了解.

回顧返我自己呢20年, 當然有贏有輸, 贏的時候可以贏好多但係輸的時候亦可以輸得好甘, 漸漸發覺自己的方法好唔穩定, 同埋好似去到一個樽頸位明顯停滯不前, 所以非常希望加入呢個會可以比自己一啲新?元素衝擊下, 睇下有冇機會可以去改善自己的刨馬同埋投注方式, 第一年唔知點解好似只係抱住觀摩的心態去學習, 學到的方法亦冇特別去加以研究及應用, 仍然停留喺一知半解的階段, 所以自己仍然係繼續贏下輸下, 明顯仍然冇乜改善, 繼續只係睇到其他會友不停地贏錢, 心入面不停諗點解會咁呢, 究竟邊度出錯呢, 但係又其實冇認真去探究一下人地真正贏錢的原因.

直到第二年的下半季, 我開始覺得喺自己揀馬膽上面更加越嚟越唔穩定, 直頭好似變到亂嚟咁樣, 冇進步不特止仲好似越黎越差, 亦好似冇乜得著, 時間亦浪費左, 所以開始決定痛定思痛, 完全去學習dr. 的選馬同研究方法同步驟, 終於喺dr.無私的分享下有一個比較有系統的方法同程序去度馬買馬, 同埋點去揀選適合的場次先去出擊, 雖然到季尾仍然未有啲咩嘢代表作, 但係已經感覺到自己喺選馬膽上面有啲進步, 起碼知道自己呢場點解贏點解會輸, 唔會輸完都唔知咩事, 可以知道自己邊到出錯從而中唔到呢一場.

最後真係要衷心多謝dr. 師傅呢兩年黎耐心的教導, 希望嚟緊新一季可以喺度可以貼出我的代表作為報答dr.的悉心指導, 我會繼續努力進步唔會令你失望的, 我真係好期待新一季的來臨, 希望dr.唔好嫌棄我哋, 繼續帶領我哋去贏錢

P.S. 以下條飛係我其中一條幸運地跟足dr.的方法去投注並命中(其實都少少似係跟d唔跟d), 我期望並相信接下來的日子唔需要再靠幸運去咁啱跟到dr.的方法, 而係可以每一場投注之前都跟足rules去投注贏錢

[ 本帖最後由 jordon1866 於 2020-8-4 03:43 編輯 ]

圖片附件: 利之喜.jpg (2020-8-4 03:43, 77.73 KB) / 該附件被下載次數 2240
http://drhorsehk.net/bbs/attachment.php?aid=75982&k=0b1bd487e6b389446bd78f5b5f01f0f7&t=1713948337

作者: DrHorse 時間: 2020-7-30 13:12

Jordon 乃筆者最後一屆的 student, 所以誠請他為這帖收官.
各位觀眾, 江湖再見.

作者: 路遙知馬力 時間: 2022-3-20 22:28

不知不覺賭馬30幾年了,以前成日聽D老人家講:馬場專收叻仔.
可惜我從來都唔信,我只信事情真相,例如自己投注馬匹係真輸實力自己高估了,還是意外同形勢影響了結果,我每次輸了都會去尋求答案.
記憶中未夠18歲已經開始研究跑馬,第1次聽同學講好易中好易贏錢,結果當然輸了,第1次買馬仲要買熱門位置,從那次開始不再盲目相信貼士.
多年前係網上有個名人經常自稱賭馬好叻既人攪網聚,當時心想睇下咩料,睇下有冇機會偷下師,可惜失望了.
雖然當時本身賭馬都唔算太差,季季贏錢唔算係咩問題,當日我問了名人來緊賽事其中1隻馬出賽機會如何看法,可惜答案同我想法相差太遠,
名人睇法同普通馬迷一般,當然後來那匹馬爆冷成功.
聚餐前同好多馬迷交換名片,餐後名人提出賣貼士,本人當時回答考慮一下離開了.
回去後從一張名片中看到了[駿薈馬迷會],現在回想還是不枉此行,當時好奇上去望下,希望可以學到本人不足之處.

早期心境好矛盾,又怕出名又想學下野,最後都係做個平凡人最好.
過了一季馬季認識了好多人,從其他人口中得知了Dr Horse賭馬好勁經常中,剛好DR新馬季前收會員,心想機會難得一定要去參加.
剛加日時,學習睇試閘做5項,雖然功課可能比較多,但真的進步更多了,刨馬時間比以前少了又易中了.
後來過了1季又離開了,離開主要自己想試下獨力去刨馬,經過多季發覺非常困難,刨馬時間花費太多,沒配套1人能力有限,除非只集中1-2場賽事.
闖了多季又回來了,感覺這裡比以前配套多了,方法更多了,贏錢更易了,花費時間更少了.
現在年齡大了,沒太多精力可以浪費了.
希望DR身壯力健繼續帶領我們搶劫馬會

係樹賭馬贏錢真係好容易.

[ 本帖最後由路遙知馬力於 2022-3-20 22:49 編輯 ]

圖片附件: Screenshot_20220320-180509_HKJC.jpg (2022-3-20 22:36, 138.95 KB) / 該附件被下載次數 1869
http://drhorsehk.net/bbs/attachment.php?aid=82841&k=38bb0655fd78bfa5667e44fa7906be90&t=1713948337

圖片附件: Screenshot_20220320-180525_HKJC.jpg (2022-3-20 22:36, 138.27 KB) / 該附件被下載次數 1839
http://drhorsehk.net/bbs/attachment.php?aid=82842&k=323977fd753b536ef94f15009207ff15&t=1713948337

圖片附件: Screenshot_20220320-180538_HKJC.jpg (2022-3-20 22:36, 131.43 KB) / 該附件被下載次數 1830
http://drhorsehk.net/bbs/attachment.php?aid=82843&k=9a79d33c589cce22fec61a6170224440&t=1713948337

圖片附件: Screenshot_20220320-180559_HKJC.jpg (2022-3-20 22:36, 136.04 KB) / 該附件被下載次數 1841
http://drhorsehk.net/bbs/attachment.php?aid=82844&k=d1440dde8113f11826b196c6b96f18a0&t=1713948337

圖片附件: Screenshot_20220320-180610_HKJC.jpg (2022-3-20 22:36, 390.8 KB) / 該附件被下載次數 1814
http://drhorsehk.net/bbs/attachment.php?aid=82845&k=df108a38349a5137952f5bd185b828bd&t=1713948337

圖片附件: 螢幕擷取畫面 2022-03-20 213633.png (2022-3-20 22:49, 2.33 MB) / 該附件被下載次數 1843
http://drhorsehk.net/bbs/attachment.php?aid=82846&k=1d3c7052e686d583332e62a3805a47eb&t=1713948337

作者: DrHorse 時間: 2022-3-21 03:27

「路遙」是舊會員，未寫過會員感想就重開讓他寫寫唄。

作者: Ecdb2917 時間: 2022-7-2 13:39

「馬後炮」--- 近期睇到呢句片語，覺得有啲人用呢個詞匯有啲奇怪，究竟呢個詞匯的意思係乜嘢呢？我文化水準低，唯有上網查下呢個解釋。
百科百度的解釋係：比喻事後採取措施，無濟於事，或者事情已經發生，才說自己有先見之明，說自己早料到事情的結果會是這樣，指人們主觀認識和行動落後於客觀實際的某些情況。

經常有人採用這個詞會來指點他人。什麼事後飛、什麼有料就早啲出。究竟係佢哋的中文水準低，定係吃不到的葡萄呢？如果一個人空口講白話，說自己早料到事情的結果會是這樣，又無憑無據，那就真是馬後炮。但一些會員中了馬後，貼出嚟畀大家分享他的喜悅，又或者道出了他學以致用後心得。貼飛正好說明事前他已經知道結果是這樣的，那算是馬後炮嗎？我哋一向對於吃不到的葡萄的人的說話嗤之以鼻。算吧啦！臨淵羨魚，不如退網捕之。咁簡單的一個道理，那些人也不了解。與其只會在網上詆毀他人，不如自己好好做好自己?功課，在馬會上賺取金錢吧！
話說馬後炮，我又有感而發，真係想馬後炮鍋。多年前參加為會員，多謝DR 的多年教導，但小弟一直未能把握DR 工具的應用，錯完又唔知點去改，改咗又唔知自己啱唔啱，又唔知點樣去問。慶幸今季DR 可以經常賽後替我們對話補習，確實令小弟對刨馬的方法有更深的領會。當然自己仍有好多錯處及陋習要改，但自問已經可以把握一些竅門。那麼相比我未做會員之時與現在的狀況，可以用現時最流行的用語「浴火重生」來形容。「事情已經發生，才說自己有先見之明，說自己早料到事情的結果會是這樣」--「浴火重生」。那你可說我的眼光是馬後炮吧！因為我冇辦法證明事前我係咁諗。
好了，到了季尾只剩下四場賽事，希望大家能夠贏多啲。為自己爭取更多的財富，還有知識上的財富吧！相信在普通會員區的會員也得益不少吧！在此再衷心多謝DR多年的教導。

圖片附件: Screenshot 2022-07-02 094925.png (2022-7-2 13:39, 43.76 KB) / 該附件被下載次數 1607
http://drhorsehk.net/bbs/attachment.php?aid=84413&k=369942dcf0616c5b469e429c08d60655&t=1713948337

作者: 路遙知馬力 時間: 2022-7-16 21:04

終於馬季結束了,突然有種空虛感覺。
有馬跑的日子特別覺得充實,雖然刨時覺得辛苦,但獲得收穫時非常有成功感。
如果以前我只會選擇刨1-2場作主力出擊,依傢有了DR配套既幫助刨3-4場以上唔算太難同花太多時間,
變了選擇更多方式去過關或太彩池投資。
非常感激DR今季的教導

希望下季還可以跟隨DR步伐一起向前走,一人能力有限,如果有人在你身旁扶持一下,
相信只會走得更遠更穩健。
真希望馬季盡快來臨,又可以開始尋寶了

圖片附件: 螢幕擷取畫面 2022-07-16 205100.png (2022-7-16 21:04, 36.48 KB) / 該附件被下載次數 1546
http://drhorsehk.net/bbs/attachment.php?aid=84619&k=b3adc202510f658ddfd01a7ae47a4d43&t=1713948337

歡迎光臨駿薈馬迷會 (http://drhorsehk.net/bbs/)