發新話題
打印

有牌祈福黨

有牌祈福黨

當我們睇電視話的老弱婦孺俾的祈福黨呃,就替他們的無知,覺得可憐。
但祈福黨無處不在,我們可償不是他們的點心。祇不過呃老弱婦孺個班係無牌,而呃我地個班就攞正牌。
第一類就係金魚缸祈福黨,如果佢想入貨,就先將隻股票的業績預測到非常高,仲放晒風,等你班友高價追貨。好喇,當正式宣布業績時,股票當然不能達標,於是又走出黎大喊十,搖晒頭,表示極度失望,大大力出貨,幾乎要清晒貨咁濟。等的股價插水。當你班友嚇到死,失望到跟埋走去出貨,佢就靜靜雞係低位執平野。
如果想出貨,就掉轉做。先將隻股票的業績預測到非常低,仲沽下貨添。等你班友賤賣資產,手中無貨。等宣布業績時,就扮晒跌眼鏡,大叫走寶,大大力掃貨。由於的貨落晒佢手,股價一野就標上去。你班友見原先的貨,下乜咁值錢呀,驚死蝕底,高高價都想搶番轉頭,於是佢就清晒個倉俾你。哎喲,點解無晒的金,淨低的爛鐵係度。

第二類就係馬場祈福黨囉。當操練未夠,未贏得時,就大力吹捧定先,血統幾優良,路程幾咁正宗,實力幾咁強橫。輸你一次未死,再整多次,唔得就再黎。到你怕怕唔敢買,佢咪加強操練,可以贏馬時,咪搵人唱熱第二隻。跟手又話驚外檔呀,怕重磅。仲唔得,擺個冷殺手上去,睇你仲敢唔敢買。

對付這些祈福黨,祇有一個辦法,就係唔好做無知婦孺囉。祇有增強自己的智識,操練也好、段速也好、賠率也好,可以自已分析,唔使淨係聽的祈福黨講。

TOP

發新話題