發新話題
打印

第一章 : 漸進票及夜賠哲學我見

第一章 : 漸進票及夜賠哲學我見

見有朋友詢問隱形票的問題, 現轉貼回自舊論壇的部份文章 ...

第一章 : 漸進票及夜賠哲學我見

賠率, 俗稱飛數 / 票數究竟從何得來 ? 賽馬賠率並非像波盤一樣是由人定的, 而是由人用真金白銀砌成的, 當中包括有聰明錢 (經常贏大錢的), 亦有愚笨錢 (常贏粒糖輸間廠的). 當然聰明錢亦有損手之時,  (當見臨場倒水式落票而輸個咀之時梗有些少透心涼, 尤其是你跟唔切冇份中 … 好似有點憎人富貴, 唔係幾好咁 … )
事實上投注確有分時段 :
頭段 : 開始接受投注至隔晚賠率形成
次段 : 賽日再接受投注至頭揚開賽前 1 小時 (當馬友如貫進馬場前)
三段 : 馬匹拉出亮相圈至開跑前 5 分鐘
尾段 : 開跑前 5 分鐘至開跑之最後賠率 (所謂的閘前票)
投注者又有分幾種 :
平民百姓 (一百幾十, 小注怡情)
有識之仕 (一千幾百, 絕不手軟)
幕後玩家 (一萬幾仟, 面不改容)
職業賭徒 (十萬八萬, 鯨吞彩池)
上述閒話, 大家亦明, 不用多說. 閣下屬於那類呢 ? 而閣下又一般會在那個時段投注呢 ? (預先投大彩池除外)
相信大家均多於第三時段投注, 有些會在尾段睇完飛數後再加注. 但其他時段的真金白銀則從何來 ? 小弟認為
頭段 : 平民百姓, 人多但金額很少. 幕後玩家, 人少但金額較大, 有內幕料而賽日 / 臨場可能唔得閒買, 如馬房中人 (賽日要打算點出賽事宜的), 馬主 (要招乎親朋好友的, 或唔得閒入場的), 等等.
次段 : 平民百姓, 人較多金額亦增加. 但多買公眾熱門, 即被傳媒唱熱的那類, 及賠率偏冷又看似抵賭類.
三段 : 平民百姓, 有識之仕, 馬主等均一湧而上.
尾段 : 職業賭徒 + 賭馬集團加入撕殺.
正因如此, 票數變動成為多年各界有識之仕的研究目標, 是否落票去馬, 回飛拉馬, 各分段賠率之變化有何指引等, 而漸進票理論因而衡生. 有幸拜讀馬小威先生之七冊 “贏馬之道”, 多年前亦曾引證過漸進票理論之神效, 但漸覺單靠漸進票理論有獲利困難, 可能因時移世逆, 賽事形勢越趨緊湊, 複雜. 各方票數早段及埋門爭持不定, 即使落票, 搏失機會大於以往. 況且過往賽事形勢簡單, 一場較易刪剩五匹, 那匹有漸進票 + 夠班, 以之為馬膽分拖其餘四匹必中. 但現在一場賽事要切實刪剩五匹馬談何容易, 且如有漸進票馬匹超過一匹又頭痛, 隨時到近入閘時仍想不好投注組合. 純投 WP, 恐得不償失; 選其一拖 Q 或 PQ 又怕誤中副車; 各膽分拖又怕虧本, 難矣難矣. 漸進票理論看來只能退居作副線. 未知使用漸進票理論為主線投注之馬友可有同感 ? 再者漸進票走勢極明顯, 跟風者眾, 幕後玩家又豈容普羅馬迷分一杯羹, 君不見近年幕後已轉催隔晚落定 W 票 + 臨場回飛 + 閘前再落票勝出. (例: R672 場次 : “丹山神駒” 四段賠率分為3.9,12,8.2,5.7 勝出; R660 場次 : “龍翠” 四段賠率分為3.8,9.2,8.3,7.1勝出) 除上述之明顯隔夜 W 票外 (即馬小威先生之夜賠哲學), 亦有一種為隔晚隱型 W 票及隱型 Q 票 (隱型 W 票馬, 例: R663 場次 : “添馬” 四段賠率分為8.3,16,17,20 勝出 …“添馬” 從未跑過該路程而開票竟是 10 倍以下;  R182 場次 : “中國天下” 四段賠率分為 6.2,7.7,7.8,8.5勝出 …“中國天下” 上賽大敗兼未跑過泥地開票竟是 6.2 倍, 即馬小威先生之上賽賠率) (隱型 Q 票馬, 例 : “健威靈” 首次跑千四爆冷, “勝威旺” 初出殺灘一役亦是有隔晚隱型 Q 票) 上述隱型 Q 票理論則屬小弟自創的 (如有雷同, 實屬巧合) 隱型 Q 票較隱型 W 票難見, 要用電腦程式計算才現真身. 兩年前市場上有一軟件可協助計算, 可惜前年接埋, 現在要自己計. 賭隱型 Q 票有以下優點及方式 : 1) 必冷; 2) 買拖餐 Q 加注拖熱門便可; 3) 成功爆冷後下場飛得 (“勝威旺” 咁勁次仗都熱倒); 4) 所爆路程均為該駒初跑路程, 當然冷冰冰. 然而隱型票亦有搏失或臨場縮沙之可能, 但短期內必部署還盅, 特別當加上 “天樂兄” 之出擊操練部署對照後應更準更勁. 此為小弟其一必殺技.

(DrHorse … 9-Sep-09)
駿薈馬迷會 facebook 專頁
https://www.facebook.com/drhorsehk/

TOP

學到野,~~~~~~~~~~

TOP

已是 2009 年的產品.
駿薈馬迷會 facebook 專頁
https://www.facebook.com/drhorsehk/

TOP

DR,昨天爆冷的幾隻馬,有沒有隱形Q,隱形W的跡象

TOP

Ticket, 只是一種 indication, 綜合多年經驗, if 咪埋眼信, 平均成功率僅三成多, 屬於輔助工具的一種.
駿薈馬迷會 facebook 專頁
https://www.facebook.com/drhorsehk/

TOP

可以請教隱形Q票點樣計算出來嗎?
未入到會,睇唔到隱形Q票

TOP

Sorry & for internal use only.
駿薈馬迷會 facebook 專頁
https://www.facebook.com/drhorsehk/

TOP

發新話題