DrHorse

每週一笑 ...

DrHorse

年前的一次飯聚中, 在與一眾友人談及筆者的賽馬團隊和成績時, 席間有人問道 :
「我也想投資在賽馬上例如 3T 這類大彩池啊, 不若合作丫, 我出資, 你地出力. 中到我只需分到 10% 便心滿意足啦.」
「咁, 你打算投資多少呢 ?」筆者隨意地問問.
「啊, 一整季有多少次賽事呢 ?」友人似乎很認真地再問.
「70 - 80 次左右吧.」筆者答道.
友人很爽快地答曰 :「就 $1,000 吧」
筆者尚未及盤算 $1,000 一次可以買到多少個組合時, 友人已搶著說道 :
「一季 $1,000, 每次買 $10, 有多餘的就當請你飲茶.」
「$10 ?!」
「係啊, 要中 3T 一中梗係要中 $10 啦, 你地咁專業, 唔係無本事下話 ... 」

wwe258

引用:

原帖由 DrHorse 於 2018-8-31 11:40 發表
年前的一次飯聚中, 在與一眾友人談及筆者的賽馬團隊和成績時, 席間有人問道 :
「我也想投資在賽馬上例如 3T 這類大彩池啊, 不若合作丫, 我出資, 你地出力. 中到我只需分到 10% 便心滿意足啦.」
「咁, 你打算投資多 ...

佢都係黎搞笑ja

DrHorse

講開中正 $10 3T, 坊間曾經真係有賣程式的 "騙徒" 聲稱佢地能準確地計算出 3T 三關的三隻馬匹, 並以 "疑似真飛" 貼出來成功命中 $10 3T 去招攬信徒.

"疑似真飛" 仲要係用通過手機登入馬會網頁投注版面並顯示, 像真度近乎 100%, 相信令不少馬友中伏.

何解 "中伏" 呢 ? 呵呵, 事緣有次筆者又八八掛掛走去佢地 facebook 昅下, 咦, 又咁啱又話剛中正 $10 3T ... 但是 ...
明明記得嗰次無人中架 ...

筆者口痕痕出帖問道 : 恭喜哂啊, 好羨慕同好想入會啊 ... 不過咁, 香港賽馬會通告話剛次賽事無人中 3T 架喎, 借問聲你地條飛係邊間賽馬會買架, 澳門賽馬會定星加坡賽馬會呢 ?

不消 1 分鐘, 話剛中正 $10 3T 條片無左, 筆者亦自然被 block 埋.

雖然唔多專業但勝在有效率, 讚.

DrHorse

或多或少, 相信大家都試跟過別人賽馬貼士投注, 而又或多或少也償過一次半次甜頭吧.
客套說話普遍不外乎 : 「多謝你的貼士, 下次請你食飯 ...」云云.

筆者也不例外, 曾經被別人跟過公開貼出的賽馬貼士投注而獲利. 賽後所謂的 "飯餐" 當然多到幾個月都食唔完.
而這些 " 飯餐" 嘛, 你當認真的就輸了啦, 都話到明是 "客套說話" ...

但在往後的某一次聚會中, 筆者巧碰上一位曾跟中貼士而獲利的馬友. 這位馬友只見過 1 - 2 次並不算熟落, 所以話題並不算多.
寒暄中提到中彩的貼士時, 老實說, 筆者對貼中了甚麼馬匹大概已忘記得七七八八.

馬友說道 : 「我都未有機會請你食飯添 ..」
「唔駛客氣啦. 」筆者答道.

該馬友仍打開錢包, 拿出 1 張 coupon 給筆者.
筆者一看 .... 原來是 : 麥當勞 $10 coupon.

DrHorse

曾經有人問過點樣可以中冷馬 ?
答案一字咁淺 ... 買先會中囉 ...

話說回來, 坊間曾經出現過一位自稱 "冷師傅" 的高人, 聲稱有一本中冷馬祕笈, 開價 10 萬兜售.
筆者經過多番打聽後獲知了大概內容 ... 唔知由自可, 一知呆一呆 ...
大概內容是內含數百條揀中冷馬口訣, 所有冷馬一定有一條啱用.

這令筆者想起六合彩白姐姐的推背圖 : 印象中見過一幅是這樣的 :
圖的一角有 1 棵樹, 樹上有 4 支樹枝各 2 塊葉; 樹下有 3 朵花, 花旁有 5 隻蜜蜂在飛舞 ....

聰明的馬友們, 相信都明白筆者想說甚麼吧. 對住答案砌答案, 又有邊個唔得丫 ...

DrHorse

最近幾年通過 facebook 售賣波馬貼士的檔口多如繁星不計其數. 當中除了有擺明車馬用假飛假圖呃呃騙騙的一群外, 亦有部份自稱前業內人仕, 如前騎師, 前練馬師, 前副練馬師, 甚至有自稱前馬會職員, 前馬會董事等等, 或者仲有前騎馬人, 前馬伕, 還有前賭馬集團操盤手, 前精算師等等, 遍地開花, 應有盡有.

眾所周知, 呃呃騙騙的一群嘛, 客服功夫尤勝人一籌, 係 facebook 有乜唔啱聽唔啱睇留言通通能以極速刪走, 跟手 block 埋你 account, 家常便飯啦.
但有些 "老行尊" 話哂薄有名望, 估無諗過有人敢來柴台, 起初都唔諗住要去刪留言o既, 奈何貼士偶然不濟, 粉絲們自不然有微言.

聽聞 "老行尊" 曾這樣回應 : 「賭馬要講福至心靈, 如果貼士中而又跟到, 便是有運; 若然貼士唔中而又有買, 就是不幸.」 (大致上意思係咁, 即係中就你好彩, 唔中就你唔好彩.)

呢個答法, 自然引來更多聲音, 為免影響生意, 最終也是要加入刪留言行列.

DrHorse

多年前, 筆者曾經講過如何做賭神 ... 方法好簡單, 就係賽後「只貼贏, 不貼輸.」仲唔係賭神
不過到最近, 筆者發現坊間有更厲害招數可以成為超級賭神 ... 究竟點做呢 ?
呵呵, 就是在「賽後」話有粉絲跟提供 「咁啱」將貼中 Q 的貼士「咁啱」又買哂過關, 假假地梗有 2 - 3 場貼士貼中掛, 咁閒閒地就次次都話贏到幾萬甚至幾十萬, 仲唔係超級賭神 ...

DrHorse

以下呢個話題曾經眾說紛紜 : 究竟跑馬有無劇本 ? 有無讓路 ? 有無借歪 ?
呵呵, 筆者曾經聽過某前練馬師說, 叫大家唔好信賽馬有劇本, 有讓路, 有借歪 ...
不過, 筆者總是很好奇, 一大班騎練朝見口晚見面, 又成日一齊食早餐, 唔傾呢啲傾乜野好 ?! 唔通日日風花雪月咩 ...

DrHorse

最近聽聞馬圈外較熾熱的話題, 落在 "某前練馬師" 拍片挑戰全港評馬人上.
這倒令筆者諗起, 曾幾何時, 某某報章曾舉辦過評馬人貼士計分比賽.
記憶中, 當其時規則係貼中就加分 (按派彩), 貼唔中就扣分 (按注數).
唔知有無記錯呢, 全季結果好似係 : 全部負分.
無法啦, 報章下次再辦比賽嘛, 唯有將規則改成中就加分 (按派彩), 唔中就不扣分囉.