龍一

唔公平唔公平
我認我係幸運...先入到VTC做
但唔代表我要接受唔公平既待遇
5年前入職$7000, 之後有個同級入黎即$8000.
同工唔同酬, 要我去講出黎先知...大佬呀...而家我係老細咩
好喇...3年前話轉我做正職...一年...無轉...兩年無轉...
理由係...唔夠2年經驗...
咦...咁我頭兩年我係邊到返工呀?!
第三年唔轉...理由係因為老細轉左人...新老細睇一年先
好喇...又等
新老細話轉喇wor...寫好晒文件...做晒野...
頂...臨門一踢腳話唔簽...
再係第二個dept調人過黎...
老細...你一句話唔轉啦好唔好...
今年...第二個dept個同級都轉左正職...
好唔忿氣...
我係呢5年大大話話幫dept食左唔少大野
唔係話我一定要轉正職...但至少當返我係人先...
你話唔轉我都唔緊要...咪唔好叫我正職既野囉
正職個d你又唔叫...叫我去做...
年年都話轉...年年都有藉口...WTF

呼...基本上年年都發下脾氣
都睇化了~

ryan

咁人工有冇得加先 呢5年

longlong1984

唉.....做冰仔既我....身同感受
我又呻下先
高層鬼閃...,要幫佢打卡.........
老闆問起....要幫佢隐瞞....
下下急趕快....
經常性老點....
鬼叫我係冰仔咩....山水有相逢呀老友

馬房紅褲仔

算吧啦…2位師兄…我公司咪又係一九樣！D福綠壽齋指指點點…叫佢地落手未一鍋粥咁…！

龍一

人工岩岩跟政府加左...加左$53...都夠一餐豪d既晚飯

不過我都認同山水有相逢...
野我照做...但唔好叫我做多d野囉
叫返d正職做啦

我都明香港就係咁
所以發下脾氣當中和返...唔好壓住壓住

DrHorse

其實最緊要係自己有本事, 你識做嘅而其他人做唔到又或者做得唔好嘅, 呢 d 就係生存嘅籌碼. 打開口袋, 數下有幾多籌碼先 ... 無乜籌碼就要趕緊替自己增值. 有時點增值也要諗過度過, 如果學埋 d 全世界都識而係得你一個唔識, 學嚟都天光啦.

ryan

賭馬有邊D係大部分人都唔識...而又有得學GA

SudokuTA

你地有晒發達的先決條件：就係受到不公平的待遇。

如果越安逸，就越會失去鬥志。

而收入好，轉變的代價就大，就形成一定阻力。

而能否發達就好講際遇：有沒有機會接觸到一些獨特的搵食技巧。

最後就靠自己：信心、決心、恆心 + 勤力、毅力。

建立一套適合的自己搵食功夫，咁就唔使睇的人面色。

龍一

引用:

原帖由 DrHorse 於 2010-11-22 15:42 發表
其實最緊要係自己有本事, 你識做嘅而其他人做唔到又或者做得唔好嘅, 呢 d 就係生存嘅籌碼. 打開口袋, 數下有幾多籌碼先 ... 無乜籌碼就要趕緊替自己增值. 有時點增值也要諗過度過, 如果學埋 d 全世 ...

其實我又無驚過我無得撈
因為我識左全學院都無人識既野 (當然請外面人返黎又另計啦)
所以我都係發下脾氣
做野按部就班
得閒上下網好過

龍一

引用:

原帖由 SudokuTA 於 2010-11-22 19:56 發表
你地有晒發達的先決條件：就係受到不公平的待遇。

如果越安逸，就越會失去鬥志。

而收入好，轉變的代價就大，就形成一定阻力。

而能否發達就好講際遇：有沒有機會接觸到一些獨特的搵食技巧。

最後就靠自 ...

年資少...在學習當中